Therapy?-k hiru hamarkada baino gehiago daramatza aurreikuspenak hankaz gora jartzen, berezko formula batekin: haserrea, barne-begirada eta hardcore, post punk eta rock alternatiboaren ukitu pertsonalak uztartzen dituena. Ipar Irlandatik datorren hirukotea Mendizabalara iritsiko da jaiotzean zuten premia berarekin, 1994an argitaratutako beren lan gorena, Troublegum, oholtza gainean berriz biziarazteko. Musika alternatiboa mainstream-era iristen hasi zen garai batean kaleratua, disko honek punkaren, metalaren eta rockaren jarraitzaileak batzea lortu zuen. Zintzotasun gordina, estribillo itsaskorrak eta letra zorrotzak ditu oinarri; bere freskotasunak bizirik jarraitzen du gaur egun.
