Banandu zirenetik hogei urte baino gehiago igaro ondoren, 16 Horsepower 2026an itzuli dira agertokietara, eta Azkena Rock Festivalen 25. urteurrenean haiekin gozatu ahal izatea benetako luxua izango da jaialdiarentzat. Denverren sortuak eta David Eugene Edwards buru dutela, 90eko hamarkadan unibertso propioa eraiki zuten, country iluna, Apalatxeetako folka, gospela eta rock alternatiboa intentsitate ia espiritual batekin uztartuz. Sackcloth ’n’ Ashes edo Low Estate bezalako kultuzko diskoek gothic americana eta alternative countryaren ezinbesteko erreferente bihurtu zituzten, fedeak, erruak, erredentzioak eta heriotzak zeharkatutako abestiekin. Ekainean, haien iluntasunak eta magnetismoak bere horretan jarraitzen dutela egiaztatzeko aukera izango dugu.
