Talde gutxik esan dezakete Bad Religion-ek bezain formula ezaguna sortu dutela pentsamendu kritikoa, melodia eta abiadura uztartuz. 1980an Los Angelesen sortuak eta Greg Graffin buru dutela, AEBetako punkaren ezinbesteko zutabeetako bat dira, eta generoa esparru berrietara eraman zuten, koru melodikoak politika, erlijioa eta gizartea zalantzan jartzen dituzten letrekin uztartuz. Suffer, No Control edo Against the Grain bezalako diskoek belaunaldi osoak markatu zituzten, eta American Jesus edo 21st Century (Digital Boy) bezalako ereserkiek edozein agertoki sutan jartzeko gaitasunari eusten diote. Azkena Rock Festivalen 25. urteurrenean, Bad Religion Mendizabalara iritsiko dira jaialdiarekin batera lau hamarkada baino gehiagoko punka, kritika sozial eta politikoa eta, batez ere, hainbat belaunaldi markatu dituzten abesti handiak ospatzera.
