Ekainaren 19an, 20an eta 21ean Gasteizko Mendizabalan
Azkena Rock Festival jaialdian dena prest dago 23. ediziorako, Gasteizko Mendizabalan, ekainaren 19an, 20an eta 21ean. Rock & roll musikaren tenpluan lehen mailako artistak bilduko dira: John Fogerty mitikoa, data bakarrean Estatuan eta bere errepertorioko klasiko guztiekin, baita Creedence Clearwater Revival-ekoak ere; Manic Street Preachers, hauek ere kontzertu esklusiboan; The Flaming Lips, Yoshimi Battles the Pink Robots mitikoa interpretatzen; Dinosaur Jr, Without a Sound album ezagunarekin; Lucinda Williams ikoniko eta sakona; The Hellacopters 30. urteurrena ospatzen, eta beste asko; eta ezin ahaztu Andre Maria Zuriaren plazako doako programazioa edo Txiki ARF familientzako gunea.
Andre Maria Zuria
Aurten ere, Andre Maria Zuriaren plaza ikonikoa gune nagusietako bat izango da, jaialdiak hiriarekin bat egingo baitu bertan. Eguerdian hasiko da programazioa eta, bermuta lagun, zuzeneko kontzertuak doan ikusteko aukera izateaz gain, Green Capitaleko eskaintza gastronomiko bikainaz ere gozatu ahal izango dugu. Ostiralean Londresko Laurie Wright kantautorearen txanda izango da; pubeko rockaren eta mod herentziaren promesa handienetako bat dela esan dezakegu, Liam Gallagher eta Pete Doherty handiak ere liluratzea lortu baitu. Larunbateko protagonistak Kitty, Daisy & Lewis neba-arrebak izango dira; britainiar hirukoak R&B, swing, country eta blues estiloak energia biziz uztartzen ditu, eta hiriaren erdi-erdian dagoen plaza energiaz eta ikus-entzulez lepo jartzea lortuko du.
Mendizabalako kontzertu garrantzitsuenak
Azkena Rock Festival indartsu hasiko da ostiralean, Dinosaur Jr. taldeak Estatuan eskainiko duen kontzertu bakarrarekin. Data esklusiboan hau ere, britainiar punkaren erreferente den The Damned taldea gure artean izango dugu berriro ere, taldekide enblematikoenekin. Aurrekoez gain, honako hauek ere arituko dira: Melissa Etheridge, 80ko hamarkadaren amaieratik AEBko rockaren ezinbesteko figuretako bat; Buzzcocks banda, lelo itsaskorrez beteriko punk melodikoarekin; Quique González eta bere rock intimo eta pertsonala; Stray Cats taldeko Lee Rocker ikonikoa eta, Trashville guneari dagokionez, Wau y los Arrrghs!!! taldearen deskarga garajeroa nabarmenduko dugu jaialdiaren barruko kontzertu-aretoan.
Ostirala rockaren historiaren eguna izango da John Fogerty izar handiarekin, Lucinda Williams mitikoarekin eta Public Image Limited taldearen intentsitate probokatzailearekin, Johnny Rotten paregabea izanik buru. Probokazioarekin jarraitzeko, Turbonegro aipatuko dugu; bestalde, Diamond Dogs eta Chris Speddingek Little Richard handiaren ondareari omenaldia egingo diote. Kaotiko taldeak euskal punk musika defendatzen 25 urteko ibilbidea ospatuko du, eta Los Straitjackets taldearen show bereziaz gozatzeko aukera izango dugu, surf rockaren erritmora.
Larunbatekoa oroitzeko moduko gaua izango da: Manic Street Preachers taldeak abesti arrakastatsuenak joko ditu, baita berriagoak ere; eta The Flaming Lips taldeak psikodelia barreiatuko du han eta hemen, Yoshimi Battles the Pink Robots album ezaguneko abesti guzti-guztiak jotzen. Richard Hawley britainiarrak crooner estilo sofistikatua ekarriko ditu, The Hellacopters taldeak giroa sutan jarriko du 30 urteko ibilbidearen ospakizunarekin, eta Margo Priceri esker, country musika autentikoenaren esentzia ezagutuko dugu, Estatuan egingo duen lehen eta bakarra izango den kontzertuan. Punk borrokalariak ere izango du lekua Dead Kennedys taldearekin, baita gero eta indar handiagoa hartzen ari den Ezezez euskal taldearekin ere. 60ko hamarkadako espiritu melodikoa berpizteaz The Lemon Twigs arduratuko dira, eta The Pill bikoaren emanaldia ez galtzea gomendatzen dizuegu.
Eguneko sarrerak salgai daude jada, eta bonuak ere eros daitezke hemen: azkenarockfestival.com. Aurten, Gazte Bonuaz gain (100 €+ gastuak, 23 urtetik beherakoentzat), Kuadrilla Bonua eros daiteke, jaialdira elkarrekin etortzen diren lagun talde horientzat: 5 bonu erosi, eta 6 eskuratu. Epeka erosteko aukera badago, eta 14 urtetik beherakoek sarrera doan izango dute, aurten ere. Jaialdiak bidaia antolatuak eskaintzen ditu autobusez, inguruko hirietatik: Bilbo, Iruñea, Donostia, Zarautz, Arrasate eta Altsasu, urteko jaialdirik gustukoenetako baterako joan-etorriak askoz errazagoak izan daitezen.
Azkena Rock Festival 2025 ahaztezina izango da, aurtengoan ere jaialdiaren nortasunari tinko eutsiko diolako: gitarra boteretsuak, izen mitikoak eta atmosfera ehuneko ehun rockeroa. Ekainaren 19tik 21era bitarte, rock & roll musikaren muina izango da, ostera ere, Mendizabala.
Txiki ARF: Azkenako haur-programazioa
Gero eta familia gehiago etortzen dira Azkenara, eta haientzat ekarriko dugu aurten ere Txiki ARF proposamena: kontzertuak, tailerrak eta haurrentzako jarduerak jaialdiaren barruko eremu batean, rock musika guztion topagune eta elkarrekin ongi pasatzeko aitzakia izan dadin. Egunean hiru kontzertu izango dira, eta ARF jaialdiaren eta rockaren historian marka utzi duten talde eta musikarien klasiko ezagunen bertsioak entzun ahal izango ditugu. Emanaldi batetik besterako tartean, air guitar lehiaketak eta bingo rockeroa antolatuko dira, eta parte-hartzaileentzat sariak ere izango dira. Tailerretan, txapa eta plektro (pua) pertsonalizatuak egiteko aukera izango dugu, eta aurpegi-margoketa oso rockeroak ere izango dira. Ostiralean eta larunbatean prest egongo da hori guztia Trashville guneko bigarren karpan, 17:30etik 20:30era bitarte. Beti bezala, 14 urtetik beherakoek sarrera doan izango dute, eta familientzat sarbide esklusiboa antolatu dugu.
Radio 3 eta Radio Vitoria zuzenean
Aurten, bi irrati arituko dira zuzenean Azkena Rock Festival jaialditik, eremuan bizitzen ari den energia guztia uhinen bitartez ezagutarazteko asmoz. Radio 3 irratitik, Diego RJk El Sótano irratsaio enblematikoa egingo du zuzenean, ostegunean, 20:00etatik 21:00etara, RatHole-tik, hau da, Trashville guneko bigarren karpatik; gainera, irratsaio irekia izango da, bertatik bertara ikustera eta entzutera joan nahi duen ororentzat. Bestalde, EITB taldeko Radio Vitoria irratiak jaialdiaren jarraipen berezia egingo du zuzenean, ostegunean 19:00etatik 22:00etara, eta ostiral eta larunbatean 19:00etatik 00:00etara; elkarrizketak, zuzeneko konexioak, eta kontzertuen zatitxoak eskainiko dituzte ARF jaialdiaren esentzia eremuaren barruan nahiz kanpoan daudenei sentiarazteko.
Balore
Aurtengoan ere, jasangarritasunarekin eta ingurunean inpaktu positiboa izatearekin konpromiso sendoa berretsi dugu BALORE espazioan, Last Tour osoaren jarduna bideratzen duten balioen adierazgarri: inklusioa, aniztasuna, irisgarritasuna, justizia klimatikoa eta xede oneko aliantzak. Jaialdia eraldaketaren eragile izan dadin lortu nahi dugu gizartearen, kulturaren eta ingurumenaren arloetan eta, horretarako, hainbat erakunderekin elkarlanean aritzen gara, hala nola Garapen Jasangarriaren aldeko Arabako Aliantzarekin, Gasteizko Elikagaien Bankuarekin edo ADELA Araba elkartearekin, askotariko ekimenak antolatuta: Puntu Morea, Ortzadar Puntua edo Puntu Berdea. Hizkuntza unibertsala den aldetik, musikak lurralde bidezkoago, pluralago eta jasangarriagoa lortzen laguntzeko boterea duela uste baitugu.
Aurten ere, babesle guztiei eskerrak eman nahi dizkie jaialdiak, emandako laguntzarengatik, eta bereziki, Gasteizko Udalari eta Arabako Foru Aldundiari; La Salve etxeari, garagardo partner izateagatik, baita Kutxabank eta Petronorri ere, partner ofizialak izateagatik. Horien guztien inplikaziorik gabe, Azkena Rock Festival jaialdiaren edizio honetan ezin izango genituzkeen helburuak bete, garapenari eta hazkundeari dagokienez.
Azkena Rock Festival
2025eko ekainak 19, 20 eta 21
Mendizabala, Gasteiz
Ekainak 19, osteguna
18:00 Ateak ireki
GOD
19:10 BUZZCOCKS
21:10 MELISSA ETHERIDGE
23:40 DINOSAUR JR. play ‘Without A Sound’
RESPECT
18:15 LIBE
20:15 QUIQUE GONZÁLEZ
22:25 THE DAMNED
01:05 LEE ROCKER of the Stray Cats
TRASHVILLE -Trash a go-go!
19:15 MAMBO RAMBO
21:15 FLÉAU
22:30 GOGOPONIES
0:30 WAU Y LOS ARRRGHS!!!
2:00 EL CHICO
Ekainak 20, ostirala
Andre Maria Zuriaren plaza
13:30 LAURIE WRIGHT
MENDIZABALA
17:00 Ateak ireki
GOD
17:30 SARRIA
19:20 RECKLESS KELLY
21:40 LUCINDA WILLIAMS
00:25 JOHN FOGERTY
RESPECT
18:25 LA ESTRELLA AZUL Live
20:25 PUBLIC IMAGE LIMITED
23:05 TURBONEGRO
02:00 KAOTIKO
LA SALVE
18:00 PSILICON FLESH
19:20 BOBBIE DAZZLE
20:50 C.O.F.F.I.N
23:20 ROBERT JON & THE WRECK
01:55 DIAMOND DOGS & CHRIS SPEDDING play Little Richard
TRASHVILLE -Trash a go-go!
18:30 LAS JENNYS DE ARROYOCULEBRO
20:00 THEE SCARECROWS AKA
22:30 ESCAPE-ISM
01:00 LOS STRAITJACKETS
02:30 ROCK NIGHTS
04:30 MISS STRYCHNINE
TRASHVILLE – Rat Hole
17:30-20:30 TXIKI ARF
02:00 BORJA NIHIL
04:00 ALTA TENSIÓN DJs
Ekainak 21, larunbata
Andre Maria Zuriaren plaza
13:30 KITTY, DAISY & LEWIS
MENDIZABALA
17:00 Ateak ireki
GOD
17:30 EH, MERTXE!
19:05 RICHARD HAWLEY
21:30 THE FLAMING LIPS play ‘Yoshimi Battles the Pink Robots’
00:20 MANIC STREET PREACHERS
RESPECT
18:15 THE PILL
20:20 THE LEMON TWIGS
22:55 MARGO PRICE
01:55 THE HELLACOPTERS 30th Anniversary
LA SALVE
18:00 EZEZEZ
19:20 CHERIE CURRIE plays The Runaways
21:00 THE CHESTERFIELD KINGS
23:20 DERBY MOTORETA’S BURRITO CACHIMBA
01:50 DEAD KENNEDYS
TRASHVILLE -Trash a go-go!
18:30 WALLAROOS
20:00 THE SEX ORGANS
22:15 THE DEVILS
00:50 THE NEANDERTHALS
02:30 MALANDRA
04:30 NAT SIMONS JUKEBOX
TRASHVILLE – Rat Hole
17:30-20:30 TXIKI ARF
02:00 DJ BONE
04:00 BILBA GROTBILL
