Mike Scottek 1983an The Waterboys sortu zuenetik, taldeak genero bakar batean sailkatzea zaila den ibilbidea egin du. This Is the Sea eta “The Whole of the Moon” lanetako rock zabalak beste norabide bat hartu zuen urte gutxira Fisherman’s Blues diskoarekin, Irlandako folka eta sustrai akustikoak taldearen soinuan bete-betean sartuta. Forma aldatzeko askatasun horrek, Scotten konposizioak ardatz mantenduta, lau hamarkadatik gorako ibilbidea definitu du, eta Princek, U2k edo The Killersek ere haren kantuak moldatu dituzte. 2025ean Life, Death and Dennis Hopper argitaratu zuten, aktore estatubatuarraren bizitzan oinarritutako 25 kantuko lana, Bruce Springsteen, Fiona Apple eta Steve Earle bezalako kolaboratzaileekin. 2006an Mendizabalan aritu eta hogeita bat urtera, The Waterboys Azkena Rock Festivalera itzuliko dira, geldirik egon ez den ibilbide baten arrastoarekin.
