Ontarion zarata egiten hasi zirenetik hiru hamarkada baino gehiago igaro diren arren, Billy Talent taldeak punkaren urgentziak adinik ez duela erakusten jarraitzen du. Benjamin Kowalewicz-en ahots nahastezina buru eta Ian D’Sa-ren gitarra zorrotzak lagun, kanadarrek punk rocka, post-hardcorea eta rock alternatiboa uztartzen dituen soinu propioa eraiki dute, tentsioz, melodiaz eta eutsi ezinezko estribilloz beteriko abestiekin. Billy Talent, Billy Talent II edo Crisis of Faith bezalako diskoek eta Try Honesty, Red Flag edo Fallen Leaves bezalako kantuek hainbat belaunaldi lagundu dituzte, taldea mende honetako Kanadako rock banda ezagunenetako bat bihurtuz.
