Jasangarritasuna

Konpromiso jasangarria

Azkena Rock Festival jaialdian musikarekiko maitasuna eta planetaren zaintza partekatzen dugu. Rocka ahalik eta gehien bizitzeko misioa gure gain hartzen dugu, ingurumen-inpaktua murriztuz eta gizarte-inpaktua indartuz. Edizio bakoitza jasangarriagoa eta arduratsuagoa izateko konpromiso kolektiboa da.

10 ROCK-MANDAMENTU JASANGARRIAK

01_

Garraio publikoan edo partekatuan iristen ahaleginduko zara.

Horrela, zure karbono-aztarna murriztu eta aparkalekua bilatzeko marroia saihesten duzu.

02_

Azkena santutegia garbi mantenduko duzu.

Mendizabala sakratua da. Ez bota zaborrik eta birziklatu!

03_

Topa egin edalontzi berrerabilgarriekin, eta agur erabilera bakarreko plastikoari!

Edalontzia itzul dezakezu edo hurrengo edizioetan berriro erabili.
Zure edalontzia beti zurekin!

04_

Ura bizia da!
Errekurtsoak ez dituzu alferrik erabiliko.

Erabili jaialdiko ur-estazioak zure edalontzi berrerabilgarria betetzeko.

05_

Respect zure lagun guztiei, salbuespenik gabe.

ARFn pertsona guztiak berdinak gara. Egin ezazu love bat berdintasun eta aniztasunaren aldeko!

06_

Rockaren magia belaunaldi berriekin partekatuko duzu.

Zure txikiak ekarriko dituzu zeren…
ARF rockaren eskolarik onena da!

07_

Jarrera rockero eta arduratsuarekin kontsumituko duzu

Aukeratu bertako jaki osasungarriak erritmoa galdu gabe jaialdiaren energiaz gozatzeko.

08_

Rocketik gizarte kritiko eta aske bat babestuko duzu

Rocka ez da musika bakarrik, jarrera bat da. Zalantzan jarri, errespetatu eta eraldatu.

09_

ARF-en BALORE espazioan balioa gehituko duzu

Ezagutu gure espazio jasangarri eta segurua, informatzeko eta gizarte eta ingurumen ekimenak babesteko.
Rocka konpromisoa da!

10_

Jaialdiaren esperientzia Mendizabalatik haratago eramango duzu

Eraman ezazu ARFen espiritua zurekin. Bizi izaera rockero eta arduratsuarekin urteko 365 egunetan.
Jasangarritasuna rockaren God berria da!

Eragin positiboa:
Diferentzia egiten duten ekintzak

Gure ESPARRUA :

Mendizabala, tenplu rockeroa

Hondakin bakoitzak bere lekua du! Aurkitu zure edukiontzia.
Azpiegitura berrerabili egiten da. Horrela, gaur muntatzen duguna datorren urtean itzuliko da.
Mugikortasun jasangarria langile-taldearentzat: CO2 gutxiago, rock gehiago.

PERTSONAK :

BENETAKO PROTAGONISTAK

Arabako Elikagaien Bankuari egindako dohaintza ekonomikoak.
Hirugarren Sektoreko erakundeak gonbidatzen ditugu, haien lana babestuz ikusarazteko eta sentsibilizatzeko.
Euskadiko Down Sindromea Fundazioarekin lankidetzan ari gara dibertsitate funtzionala duten pertsonak gizarteratzeko eta laneratzeko.
Puntu Morea, eraso sexisten aurkako kanpainak, protokoloak eta prestakuntza EMAKUNDE-Emakumearen Euskal Erakundearekin lankidetzan.
Emakumeen presentzia line-up-ean. Emakumeak eszenatokian, beti bolumena igotzen!
Ortzadarra Puntua, LGTBIQ+ mugimenduaren eta berdintasunaren alde borrokatzen duten kolektiboei buruzko laguntza eta informazioa, IKUSGUNE-rekin lankidetzan. .
Irisgarritasun hobetua, plataforma goratuekin eta bainu egokituekin.
Janari osasungarria, beganoa, begetarianoa eta glutenik gabea, rockak zure tripa ere zaintzen baitu!
Barneko erosketa-politika berdea eta soziala, baita hornitzaileekin ere.
Cashless sistema, azkarrago eta dirurik gabe ordaintzeko.
Staff-ari prestakuntza ematea eta jendea hondakinen kudeaketari buruz kontzientziatzea. Elkarrekin jaialdi garbi baten alde!
Edateko uraren iturriak doakoak izango dira jaialdian plastikozko botilen erabilera murrizteko.
Txiki ARF, txikientzako jarduerekin sehaskatik rocka ikasten!

LURRALDEA : Araba eta Euskadi,

eszenatoki paregabea

Araba ARF Tour: rocka Arabako hainbat herritara eramaten dugu doako kontzertuekin.
Jaialdiaren egunetan, Andre Maria Zuriaren Plazan sarrera libreko kontzertuak eskaintzen dira.
Tokiko taldeen emanaldiak edizio bakoitzean.
Lurraldean enplegua sustatzen dugu, tokiko garapen ekonomikoari lagunduz.
Arabako eta Euskadiko hornitzaileak erabiltzen dugu jaialdiaren antolakuntzan, tokiko ekonomia indartuz eta ingurumen-inpaktua minimizatuz.

BAKARRA DEN PLANETA BAT:

gure etxea zaintzen

Hondakinak kudeatzeko plan bat aktibatu dugu gure Talde Berdearekin, Gasteizko Udalarekin lankidetzan..
Hondakinak murrizteari eta birziklatzeari buruzko prestakuntza eta sentsibilizazioa talde, staff eta publiko orokorrarentzat.
Edalontzi berrerabilgarri eta birziklagarrien sistema bat daukagu, eta, bizitza erabilgarria amaitzean, injekziozko plastikozko pieza kalitate handikoetan bihurtzen dira automobilgintzarako.
Garraio publikoaren eta partekatuaren erabilera sustatzen dugu, ibilgailu partikularren erabilera minimizatzeko.
CO2 emisioak murriztea 0 emisio jaialdi batera iristeko. Honekin serio jartzen gara!
Edizioz edizio lan egiten dugu Erronka Garbia-Ekitaldi Jasangarria metodologiarekin, Eusko Jaurlaritzaren Ihoberekin dugun zigilua berritzeko.

BALORE ESPAZIOA

BALORE gure topagunea da jaialdiaren egunetan informatzeko eta ARFren ingurumen eta gizarte kausei ekarpenak egiteko. Hemen gure ekintzen berri ematen dizugu:

🟣Puntu MOREA: indarkeria sexistaren aurkako sentsibilizazioa, prebentzioa eta arreta.

🌈OSTADARRA Puntua: LGTBIQ+ komunitateari laguntzea.

🟢Puntu BERDEA: jaialdiaren ingurumen-neurriak.

🧑🏽‍🦽 IRISGARRITASUNA eta ONGIZATEA Puntua: irisgarritasun unibertsala.

🧑🏻‍🤝‍🧑🏿 INKLUSIOA Puntua: Hirugarren Sektorearekin lankidetzan aritzea gizarteratzeko eta laneratzeko, eta Arabako Elikagaien Bankuari dohaintzak egitea bazterketa-egoeran dauden pertsonei laguntzeko.

📣 ALIANTZAK eta LANKIDETZAK Puntua: LAST TOURen helburuan aurrera egiteko proiektu multieragileak garatzea, kulturaren bidez eraldaketa soziala bultzatuz, BCorp ziurtagiriaren babesarekin.

2024an, BALORE geratzeko etorri zen!

Hona hemen gure ekimena asko gustatu zaien pertsonen testigantzak:

"Baina... rocka matxista da eta! Sekulako lana egiten duzue! "

"Zer egiten duzu horrelako eraso baten aurrean? Nik, pasatu izan dut. Mila esker. Eskerrik asko zuen laguntzagatik, sekulako lana egiten duzue, esaten ez badizuete ere. "

"Giro rockeroan batez ere ondo dago gai hauek aldarrikatzea. Nire alaba Bi- da eta gauza hauen berri izaten hasia naiz. Eskerrik asko. "

"Hau berria da, pozten naiz halako zerbait ipintzea erabaki duzuelako.
Asko gustatzen zait Azkenan puntu hau egotea."

"Txikiak puntu moreari buruzko hitzaldiak jasotzen ari dira, eta oso ondo dago mezu horiek sustatzea."

"Oso jaialdi berezia da, eta errespetu handia nabari da bertan. Jaialdia eboluzionatuz joan da eta espazio hau oso guay dago. Sekulakoa da hemen egiten ari zarena ".

GARDENTASUNA ETA ETENGABEKO HOBEKUNTZA

Urteko 365 egunetan lan egiten dugu gure jardunbideen gardentasuna eta etengabeko hobekuntza mantentzeko. Erronka Garbia bezalako ziurtagiriak ditugu, eta, gainera, Last Tour, Azkena Rock Festival jaialdiaren antolatzaileak, BCorp zigilua du, eta horrek gure konpromisoa bermatzen du eragin positiboarekin.

ETORKIZUN IRAUNKORRAGO BATEN ALDE

Eskerrik asko konpromisoaren parte izateagatik!

Azkena Rock Festival jaialdian, orainaldi eta etorkizun berdeago, inklusiboago eta sozialki arduratsuago baten aldeko konpromisoa dugu. Rock-and-rolla ez da musika bakarrik, jarrera bat da. Eta ARFn, planeta zaintzea dagoen jarrera rockeroena dela uste dugu. Hurrengo Azkena Rocken edizioan ikusiko dugu elkar, inoiz baino jasangarriago eta errealago!