Blues eta soularen egungo eszenako figura berezienetako bat da Robert Finley. Kotoi-soroen artean eta elizako gospelaren doinuekin hazi zen, eta hamarkadak eman zituen kale-musikari eta tokiko tabernetan kantari. 2016an, 62 urterekin, Age Don’t Mean a Thing diskoa kaleratu zuen, talentuak eta pasioak adinik ez dutela frogatuz. Dan Auerbach (The Black Keys) ekoizlearekin elkarlanean, iaz argitaratu zuen bere azken lana, Hallelujah! Don’t Let The Devil Fool Ya, eta jada erakutsi zuen Zaragozan, Santiagon eta Madrilen zuzenean benetako kondaira dela: izerdia, hegoaldeko groove-a eta eszenatokian arima eta egia bihurtzen diren ikuskizunak.
