1979an Hego Kalifornian sortuak, Social Distortion Kaliforniako punkaren trintxeretan jaio ziren, eta hasierako soinu azkar eta zuzenetik abiatuta, urteekin identitate konplexuago batera eboluzionatu zuten: punka rock & roll klasikoarekin, countryarekin eta bluesarekin gurutzatu zuten. Lau hamarkadatan zehar estilo nahasketa ezagun eta errespetatuenetakoa landu dute, eta Mike Ness-en gidaritzapean —autobiografiaren eta bizipen pertsonalen bidez redentzioa, galerak, mendekotasunak eta grinak kontatzen dituen ahots paregabea—, besarkada zabalik hartuko ditugu berriz Vitoria-Gasteizen, bost urteko etenaren ostean. Haien setlist-a betiko klasikoekin etorriko da: Ball and Chain, Story of My Life edo Reach for the Sky, besteak beste.
