Azkena Rock Festival jaialdian dena prest dago 24. ediziorako, Gasteizko Mendizabalan, ekainaren 18an, 19an eta 20an. Rock and rollaren tenplua hainbat belaunalditako publikoaren topagune izango da aurten ere, kartelburuak Alice Cooper, Social Distortion eta The Hives izanik; horietaz gain, Imelda Mayk kontzertu esklusiboa emango du Darrel Higham-ekin batera, eta Jason Isbell & The 400 Unit, Old Crow Medicine Show, Evaristo, Alcalá Norte eta askoz gehiago ere izango dira. Aurtengo edizioan ere Gasteizko erdigunera zabalduko da jaialdia, Andre Maria Zuriaren plazako doako kontzertuekin, eta Txiki ARF ere izango da.

Andre Maria Zuria

Aurten ere, Andre Maria Zuriaren plaza izango da jaialdiak hiriarekin bat egingo duen puntua. Doako programazioa Gasteizko erdigunera iritsiko da eguerdian, bermutaren garaia eta kaleko giroa alaituko dituzten kontzertuak antolatuta jaialdiko egunetan, Mendizabalako agertokiak piztu aurretik.

Ostiralean, Meghan Parnell-en ahots indartsuak zuzentzen duen Bywater Call talde kanadarrak soula, bluesa, sustraidun rocka eta emozio bizia nahastuko ditu. Larunbatean, The Backyard Casanovas taldea arituko da plazan; Bonn (Alemania) hiritik datozen lau rockerek abesti propioez gain, beren idolo diren Hound Dog Taylor eta Hasil Adkins artisten pieza preziatuak joko dituzte, blues gordinenaren eta garajeroenaren adierazgarri.

Mendizabalako kontzertu garrantzitsuenak

Lehenengo egunean, The Hives urakan suediarrak adrenalinaz betetako ikuskizuna eskainiko du, besteak beste, Hate to Say I Told You So edo Main Offender hit ezagunekin. Ikuskizun esklusibo batean, Imelda May Darrel Highman-ekin batera iritsiko da Mendizabalara, bere errepertorio rock’n’rolleroena errepasatzeko, eta The Adicts taldea agur-biraren barruan etorriko da jaialdira, ia bost hamarkadako lotsagabekeriari eta punk-festari amaiera ematera baitoaz. Eguna osatzeko, Corrosion of Conformity taldearen metal-makineria geldiezina izango dugu, Dewolff gazteen birtuosismoa, Robert Finley beteranoaren blues erritmoak eta Nhil gipuzkoarren pop-soul-funk berezia. Trashville agertokian honako hauek arituko dira: Les Robots taldearen surf rock instrumentala, Angel y Cristoren parranda-giro sailkaezina, Captain Trashoren zarata primitiboa, The Concrete Boysen dibertsio garageroa eta Bartzelonako Radioactivas rrriot boskotea.

Bigarren jardunaldiak Alice Cooper shock rockaren aitabitxia hartuko du. Beldurrezko antzerkia eta hard rocka uztartzen dituen ikuskizunarekin, azken hamarkadetako rockaren figura nagusietako bat bihurtu da. Sugar taldearen elkartze-birak ere geldialdia egingo du jaialdian, 1993az geroztik Estatuan egingo duten lehen bisitan eta edizioko emanaldirik berezienetako batean. Los Enemigos taldearen txanda ere izango da; Estatuko rockaren ezinbesteko taldeetako bat da, eta Mendizabalara itzuliko da bere gordintasuna, ironia eta hainbat belaunaldiren oroimen kolektiboaren parte diren kantekin. Kaliforniatik, Circle Jerksek amorruz eta gizarte-mezuz beteriko hardcore punka zabalduko dute. Bestalde, Evaristok bere proiektu guztien errepasoa egingo du, euskal punkaren adierazgarri nagusietako bat bihurtu duen diskografia osatu baitu. Old Crow Medicine Show taldearen folk amerikarra lehen aldiz izango da Estatuan; eta Voivoden metal distopikoa, Black Maracasen fuzz psikodelikoa eta Lee-La Baum karismatikoa buru duen The Damn Truth taldearen rock&roll makina ere martxan jarriko dira. Punk esperimentalak ere izango du ordezkaritza, Tropical Fuck Storm taldeari esker; hard rock modernoa The Temperance Movement taldearen eskutik iritsiko da; Hällas taldeak adventure rock fantastikoa ekarriko du, eta Dan eta Warren Zanes anaiak The Del Fuegos proiektuarekin etorriko dira. Trashville karpara hurbiltzen direnak The Dwarves taldearen punk probokazioaren lekuko izango dira, eta Cavegirl + The Neandergalsen garage troglodita, HENGEren sci-fi ravea, Restless Ramoneren punk izerditsua eta Stompin’ Riffraffs japoniarren rocka ere izango dira egun berean.

Azkeneko egunean askotariko musikariak arituko dira: Social Distortion taldea gurera dator berriro 2022an bisitatu ostean, eta hamabost urtean kaleratu duten lehen lana aurkeztuko dute Mike Ness eta bere taldekideek, Born To Kill diskoa, rock & roll klasikoaren, countryaren eta bluesaren ikasbide. Carpenter Brut arima rockzaleak konkistatzera etorriko da Mendizabalara, eta proposamen elektroniko bereizgarria ekarriko du horretarako, sintetizadoreak metal industrialenarekin nahastuta; bestalde, egungo country alternatiboaren figura garrantzitsuenetako bat zergatik den frogatuko du (Drive-by-Truckers ohia den) Jason Isbell and the 400 Unit taldeak. Alcalá Norte etorkizun handiko banda bat baino gehiago dela aldarrikatzera igoko da agertoki gainera; Sleaford Modsekoek gure gizarteko egia deserosoak errepasatuko dituzte ironiaz eta post-punk musikaren bitartez; Superchunk taldea powerpop zintzoenaren zaleen gozagarri izango da; Dischargeren txanda denean doinu suntsitzaileak izango dira nagusi taldearen hardcore d-beat nahasketa beteranoarekin; eta Therapy? bandak Troublegum disko ezagunena interpretatuko du. Street-punk soinuak ere izango du tartea Mendizabalan Split Dogs taldearen eskutik, baita cow-punkak ere, Vandoliersekin, eta new wave estiloa eta glam estetika ekarriko ditu Starbenders taldeak. Leporaren euskal rock indartsua eta Rodeoren stonera izango dira etxeko talentuaren ordezkari azken egun honetan. Gainera, Zaragozako Lady Banana power-duoaren stoner rock musika ere izango da egun honetan, +Músicas Live programaren ekimenari esker, jaialdietan emakumeen presentzia sustatzeko helburuarekin. Trashvillen bilduko da synth-punk hipnotikoena Cuir taldearekin, eta bertan arituko dira, halaber, Bloodsucking Zombies from Outer Space eta haien horror punk eta psychobilly frekuentziak, Bridge City Sinnersen folk-punk subertsiboa, Capitán Entresijos feat Garganta Profundak gidatutako performance ausart bat eta beste dimentsio bateko rocka Twin Ghostsen eskutik.

Txiki ARF: familientzako gunea Mendizabalan

Segidako hirugarren urtez, Azkena Rock Festival jaialdiak txikienentzako programazioa izango du, rockaren kulturara hurbiltzeko aukera izan dezaten ongi pasatzen duten bitartean.

Bigarren Trashville karpatik eta Rock en Familia ekimenari esker, ostiral eta larunbat arratsaldeko lehen ordutik aurrera, jaialdian parte hartu izan duten rock izarrak omentzeko kontzertuez gozatu ahal izango dute familiek, eta haurrentzako tailer eta jarduerak ere izango dira: aurpegi-margoketa, air guitar lehiaketak, bingo rockera, txapa eta plektro (pua) pertsonalizatuak egiteko aukera, etab.

Radio Vitoria zuzenean

Aurten, EITB taldeko Radio Vitoria irratia zuzenean arituko da Azkena Rock Festival jaialditik, jarraipen berezia eginez: ostegunean 19:00etatik 22:30era, eta ostiral eta larunbatean 19:00etatik 23:00etara; elkarrizketak, zuzeneko konexioak eta kontzertuen zatitxoak eskainiko dituzte ARF jaialdiaren esentzia eremuaren barruan nahiz kanpoan daudenei sentiarazteko.

BALORE: konpromisoa eremuaren barruan nahiz kanpoan

Azkena Rock Festival jaialdiak jasangarritasunarekin eta ingurunean inpaktu positiboa izatearekin duen konpromiso sendoa berretsi du, berriro ere, BALORE gunearen bitartez; topagune bat, Last Tour enpresaren jarduna bideratzen duten balioen adierazgarri: inklusioa, aniztasuna, irisgarritasuna, justizia klimatikoa eta xede oneko aliantzak.

Jaialdiak gizartearen, kulturaren eta ingurumenaren arloetako eraldaketaren eragile izaten jarraitu nahi du eta, horretarako, hainbat erakunderekin elkarlanean aritzen da, hala nola Garapen Jasangarriaren aldeko Arabako Aliantzarekin edo Gasteizko Elikagaien Bankuarekin, eta askotariko ekimenak antolatzen ditu: Puntu Morea, Ortzadar Puntua edo Puntu Berdea.

Aurten, gainera, Jaialdien Itunari atxiki zaio; ekimen hori Emakumeak Musikaren Industrian Elkarteak eta Kultura Ministerioak elkarlanean garatu dute, eta helburua du kulturaren sektorea bidezkoagoa, seguruagoa eta parekideagoa izan dadin sustatzea. Atxikimendu horrek esan nahi du bat egiten dela jaialdien sektoreak sexu-indarkerien, gorroto-delituen, diskriminazioaren eta edozein indarkeria motaren aurka hartutako konpromiso kolektiboarekin, eta, era berean, espazio seguruagoak, inklusiboagoak eta parekideagoak lortzeko bidean jaialdiek duten erantzukizun aktiboa egiten du ikusgai.

Ildo beretik, Ortzadar LGBTI Elkarteak bultzatutako puntu seguruen LGBTI+ Points Sarearekin duen lotura indartu du jaialdiak. Atxikimendu horrek konpromiso zehatzetan aurrera egiteko aukera ematen du, hala nola trans pertsonen nortasuna errespetatzea, eraso LGTBIQ+fobikoei erantzutea, espazio seguruaren bereizgarria ikusgai egitea eta lantaldeak LGTBIQ+ errealitatean trebatzea, zeregin hori Ortzadar Puntuan eta BALORE gunean txertatuta betiere.

2026an, Berakah programaren 20. urteurrena denez, Gasteizekin estu-estu lotutako gizarte-erakundearekin elkarlanean jarduteko gune bat zabaldu da. 2006. urteaz geroztik, egoera zaurgarrian daudenei laguntzen die Berakah programak, boluntarioen sare zabal baten bitartez eta elikadura, etxebizitza, prestakuntza, entzutea, aholkularitza eta laguntza komunitarioa ardatz dituzten programen bitartez. BALORE gunearen esparruan, jaialdiak programa horren lana ikusgai egingo du, eta erakundeko hainbat lagunek publikoarekin informazioa eta sentsibilizazioa lantzeko aukera izango dute jaialdiaren egunetan. 30 lagun doan joango dira jaialdira hiru egunetan, musikaz eta kulturaz gozatzera.

Aurten, halaber, Azkena Rock Festival jaialdiak Last Tour enpresaren B Corp ziurtagiriarekin duen loturaren berri eman ahal izango du, enpresa horrek sustatzen baitu jaialdiaren garapena. Lotura hori B Lab erakundeak egiaztatu du marka aztertzeko prozesuaren bitartez; horrek adierazten eta nabarmentzen du jaialdia Last Tour enpresaren kultura-proiektuen ekosistemaren parte dela eta kudeaketako, gobernantzako eta inpaktu positiboko eredu komun bati jarraikiz egiten dela. Hainbat neurriren bitartez gauzatzen da ikuspegi hori, hala nola hondakinak murrizteko eta birziklatzeko neurriak, mugikortasun jasangarria sustatzeko neurriak, eraso sexisten aurkako eta berdintasunaren aldeko prebentzio- eta sentsibilizazio-programak, tokiko taldeak kontratatzea eta doako kontzertuen sustatzea.

Jaialdia urratsez urrats aurrera egiten ari da, era berean, irisgarritasunean, mugikortasun jasangarrian, hondakin-murrizketan, materialak berrerabiltzen, beharrezkoak ez diren plastikoak ezabatzen, ur-iturriak jartzen eta ingurumen-sentsibilizazioan, Erronka Garbia Ekitaldi Jasangarria metodologiari jarraikiz. Jasangarritasuna erantzukizun partekatutzat hartzen dela adierazten du, antolatzaileak, lantaldeak, hornitzaileak, administrazioak, erakunde laguntzaileak eta publikoa inplikatuta.

Azkena Rock Festival jaialdiak, beraz, argi dauka musika-jaialdi bat baino askoz gehiago izan nahi duela: topaketarako, bizikidetzarako eta eraldaketarako gune izan nahi du, rocka errespetuz eta askatasunez bizitzeko, ingurunea zaintzen eta kultura bidezkoagoa, askotarikoagoa eta jasangarriagoa izan dadin konprometituta.

Eguneko sarrerak eta 3 eguneko bonuak salgai daude oraindik azkenarockfestival.com webgunean. Gainera, Gazte Bonua salgai dago (100 €+ gastuak, 24 urtetik beherakoentzat), epeka ordaintzeko aukera ere bada, eta 14 urtetik beherakoentzat sarrera doan izango da.

2026. urte honetan, jaialdirako joan-etorriak egiteko autobusen maiztasuna eta kopurua areagotu dituzte antolatzaileek, eta bidaia antolatuak eskaintzen dituzte hainbat hiritatik: Altsasu, Arrasate, Barakaldo, Bilbo, Burgos, Donostia, Errenteria, Getxo, Irun, Iruñea, Miranda de Ebro, Portugalete eta Zarautz.

Azkena Rock Festival jaialdiaren antolatzaileek esker ona helarazi nahi diete, bereziki, Gasteizko Udalari eta Arabako Foru Aldundiari, baita Cervezas La Salve, St. Petroni, Kutxabank eta Petronor etxeei ere, ekitaldi hauek gauzatzeko ezinbestekoa baita haien guztien laguntza.

Azkena Rock Festival jaialdiaren 24. edizioa Gasteizko Mendizabalan izango da, ekainaren 18an, 19an eta 20an , eta kontzertuen ordutegiak prest daude jada. Alice Cooper, Social Distortion eta The Hives dira zerrendaburu rock-and-roll musika bere forma guztietan biltzen dituen jaialdian, eta aurtengo edizioko esperientzia osoa zehaztuta dago: hiru egunez, musika, komunitatea eta zuzeneko kontzertu ahaztezinak, hiriaren erdialdera ere iritsiko direnak Andre Maria Zuriaren plazako doako kontzertuekin. Gainera, jaialdiaren eremuan Txiki ARF gunea egongo da berriro, familiek Azkenaren giroa barrutik bizi dezaten pentsatutako gunea.

EKAINAK 18, OSTEGUNA

THE HIVES / IMELDA MAY exclusive rock & roll show feat. Darrel Higham / THE ADICTS Adios Amigos / CORROSION OF CONFORMITY/ DEWOLFF / ROBERT FINLEY / NHIL

Trashville: LES ROBOTS / ÁNGEL Y CRISTO / CAPTAIN TRASHO / THE CONCRETE BOYS / RADIOACTIVAS

Lehenengo egunean, The Hives urakan suediarrak adrenalinaz betetako ikuskizuna eskainiko du, besteak beste, Hate to Say I Told You So edo Main Offender hit ezagunekin. Ikuskizun esklusibo batean, Imelda May Darrel Highman-ekin batera iritsiko da Mendizabalara, bere errepertorio rock’n’rolleroena errepasatzeko, eta The Adicts taldea agur-biraren barruan etorriko da jaialdira, ia bost hamarkadako lotsagabekeriari eta punk-festari amaiera ematera baitoaz. Eguna osatzeko, Corrosion of Conformity taldearen metal-makineria geldiezina izango dugu, Dewolff gazteen birtuosismoa, Robert Finley beteranoaren blues erritmoak eta Nhil gipuzkoarren pop‑soul‑funk berezia. Trashville agertokian honako hauek arituko dira: Les Robots taldearen surf rock instrumentala, Angel y Cristoren parranda-giro sailkaezina, Captain Trashoren zarata primitiboa, The Concrete Boysen dibertsio garageroa eta Bartzelonako Radioactivas rrriot boskotea.

EKAINAK 19, OSTIRALA

ALICE COOPER / SUGAR First show in Spain since 1993 / CIRCLE JERKS / COUNTING CROWS / EVARISTO / OLD CROW MEDICINE SHOW / VOIVOD / BLACK MARACAS / THE DAMN TRUTH / THE DEL FUEGOS / HÄLLAS / THE TEMPERANCE MOVEMENT / TROPICAL FUCK STORM
Trashville: THE DWARVES / CAVEGIRL + THE NEANDERGALS / HENGE / RESTLESS RAMONE / STOMPIN’ RIFFRAFFS

Andre Maria Zuria: Bywater Call

Bigarren egunean, Alice Cooper shock rockaren maisuak beldurrezko antzerkia eta hard rocka uztartzen dituen ikuskizuna eskainiko digu, ikus dezagun zergatik bihurtu den azken hamarkadetako rock figura garrantzitsuenetako bat; eta Sugar taldea berriz elkartu eta bira egiten ari denez, gure jaialdian egingo du geldialdia, 1993. urteaz geroztik Estatura etorri gabe baitzeuden. Ziur aurtengo edizioko ikuskizunik berezienetako batez gozatu ahal izango dutela Azkenazaleek. Kaliforniatik, Circle Jerks taldekoek amorruz eta mezu sozialez beteriko hardcore punka ekarriko dute, eta Counting Crows taldeak bere abesti ezagunenak errepasatuko ditu Adam Duritz-en ahots bereziarekin. Bestalde, Evaristok bere proiektu guztien errepasoa egingo du, euskal punkaren adierazgarri nagusietako bat bihurtu duen diskografia osatu baitu. Old Crow Medicine Show taldearen folk amerikarra lehen aldiz izango da Estatuan; eta Voivoden metal distopikoa, Black Maracasen fuzz psikodelikoa eta Lee-La Baum karismatikoa buru duen The Damn Truth taldearen rock&roll makina ere martxan jarriko dira. Punk esperimentalak ere izango du ordezkaritza, Tropical Fuck Storm taldeari esker; hard rock modernoa The Temperance Movement taldearen eskutik iritsiko da; Hällas taldeak adventure rock fantastikoa ekarriko du, eta Dan eta Warren Zanes anaiak The Del Fuegos proiektuarekin etorriko dira. Trashville karpara hurbiltzen direnak The Dwarves taldearen punk probokazioaren lekuko izango dira, eta Cavegirl + The Neandergalsen garage troglodita, HENGEren sci-fi ravea, Restless Ramoneren punk izerditsua eta Stompin’ Riffraffs japoniarren rocka ere izango dira egun berean.

EKAINAK 20, LARUNBATA

SOCIAL DISTORTION / CARPENTER BRUT / JASON ISBELL AND THE 400 UNIT / ALCALÁ NORTE / SLEAFORD MODS / SUPERCHUNK / THERAPY? Plays ‘Troublegum’ / DISCHARGE / LEPORA / RODEO / SPLIT DOGS / STARBENDERS / VANDOLIERS / LADY BANANA
Trashville: CUIR / BLOODSUCKING ZOMBIES FROM OUTER SPACE / BRIDGE CITY SINNERS / CAPITÁN ENTRESIJOS feat. Garganta Profunda / TWIN GHOSTS

Andre Maria Zuria: The Backyard Casanovas

Azkeneko egunean askotariko musikariak arituko dira: Social Distorsion taldea gurera dator berriro 2022an bisitatu ostean, eta hamabost urtean kaleratu duten lehen lana aurkeztuko dute Mike Ness eta bere taldekideek, Born To Kill diskoa, rock & roll klasikoaren, countryaren eta bluesaren ikasbide. Carpenter Brut arima rockzaleak konkistatzera etorriko da Mendizabalara, eta proposamen elektroniko bereizgarria ekarriko du horretarako, sintetizadoreak metal industrialenarekin nahastuta; bestalde, egungo country alternatiboaren figura garrantzitsuenetako bat zergatik den frogatuko du (Drive-by-Truckers ohia den) Jason Isbell and the 400 Unit taldeak. Alcalá Norte etorkizun handiko banda bat baino gehiago dela aldarrikatzera igoko da agertoki gainera; Sleaford Modsekoek gure gizarteko egia deserosoak errepasatuko dituzte ironiaz eta post-punk musikaren bitartez; Superchunk taldea powerpop zintzoenaren zaleen gozagarri izango da; Dischargeren txanda denean doinu suntsitzaileak izango dira nagusi taldearen hardcore d-beat nahasketa beteranoarekin; eta Therapy? bandak Troublegum disko ezagunena interpretatuko du. Street-punk soinuak ere izango du tartea Mendizabalan Split Dogs taldearen eskutik, baita cow-punkak ere, Vandoliersekin, eta new wave estiloa eta glam estetika ekarriko ditu Starbenders taldeak. Leporaren euskal rock indartsua eta Rodeoren stonera izango dira etxeko talentuaren ordezkari azken egun honetan. Gainera, Zaragozako Lady Banana power-duoaren stoner rock musika ere izango da egun honetan, +Músicas Live programaren ekimenari esker, jaialdietan emakumeen presentzia sustatzeko helburuarekin. Trashvillen bilduko da synth-punk hipnotikoena Cuir taldearekin, eta bertan arituko dira, halaber, Bloodsucking Zombies from Outer Space eta haien horror punk eta psychobilly frekuentziak, Bridge City Sinnersen folk-punk subertsiboa, Capitán Entresijos feat Garganta Profundak gidatutako performance ausart bat eta beste dimentsio bateko rocka Twin Ghostsen eskutik.

Ohikoa den bezala, Gasteizko erdialdean emango zaie hasiera ostiral eta larunbateko emanaldiei, Andre Maria Zuriaren plaza izanik zuzeneko musikaren, gastronomiaren eta geroago Mendizabalara iritsiko den giro onaren topagune.

Ostiralean, Bywater Call izango dira lehenak. Soul-blues garaikidearen proposamen sendoenetako bat diren aldetik, rhythm & blues klasikoan, southern rockean eta gospelean oinarritutako soinuaren babespean, Torontokoek Gasteiz erdialdera ekarriko dituzte haize-sekzio biziak, Meghan Parnellen-en ahots ikaragarriak gidatuta beti.

Bestalde, larunbatean, The Backyard Casanova taldeak 1950eko hamarkadako espirituaz blaitutako blues zingiratsuaren eta rock’n’roll intentsitatearen erakustaldia egingo dute. 2018an sortuak, Alemaniako Bonn hiritik datozen lau rocker hauek beren errepertorioa eskainiko dute bermutaren orduan: blues gordin eta garajeroaren maisu diren Hound Dog Taylor eta Hasil Adkins idoloen harribitxiak eta kantu propioak.

Txiki ARF: familientzako gunea Mendizabalan

Segidako hirugarren urtez, Azkena Rock Festival jaialdiak txikienentzako programazioa eskainiko du, rockaren kulturara hurbiltzeko aukera izan dezaten ongi pasatzen duten bitartean.

Bigarren Trashville karpatik eta Rock en Familia ekimenari esker, ostiral eta larunbat arratsaldeko lehen ordutik aurrera, jaialdian parte hartu izan duten rock izarrak omenduko dituzten kontzertuez gozatu ahal izango dute familiek, eta haurrentzako tailer eta jarduerak ere izango dira: aurpegi-margoketa, air guitar lehiaketak, bingo rockera, eta txapa eta plektro (pua) pertsonalizatuak egiteako aukera, etab.

Eguneko sarrerak eta 3 eguneko bonuak eros daitezke oraindik azkenarockfestival.com webgunean. Gainera, Gazte Bonua salgai dago (100 €+ gastuak, 24 urtetik beherakoentzat), epeka ordaintzeko aukera ere bada, eta 14 urtetik beherakoentzat sarrera doan izango da.

2026. urte honetan, jaialdirako joan-etorriak egiteko autobusen maiztasuna eta kopurua areagotu dituzte antolatzaileek, eta bidaia antolatuak eskaintzen dituzte hainbat hiritatik: Altsasu, Arrasate, Barakaldo, Bilbo, Burgos, Donostia, Errenteria, Getxo, Irun, Miranda de Ebro, Iruñea, Portugalete eta Zarautz.

Azkena Rock Festival jaialdiaren antolatzaileek esker ona helarazi nahi diete, bereziki, Gasteizko Udalari eta Arabako Foru Aldundiari, baita Cervezas La Salve, St. Petroni, Kutxabank eta Petronor etxeei ere, ekitaldi hauek gauzatzeko ezinbestekoa baita haien guztien laguntza.

Araba ARF Tour ekitaldia uda honetan itzuliko da bere bosgarren edizioarekin, rock & rollaren espiritua Mendizabalatik haratago zabaltzeko funtsezko ekimenetako bat bezala sendotuz eta Azkena Rock Festival jaialdiaren sentimendua Arabako lurraldera hurbilduz. Oraingoan, ekainaren 13an Santikurutze Kanpezu herrian egun bakarrean ospatuko da, herria jaialdiaren nortasun musikalarekin lotuko duen doako egitarau batekin, tokiko taldeak eta nazioarteko izenak uztartzen dituen rock, punk, soul eta garage generoetako artisten hautaketa zaindu bat bilduz.

Eskoziatik iritsiko dira Bratakus, Breagha eta Onnagh Cuinn bikiek osatutako punk bikotea, duela gutxi The Hivesen teloneroak izan direnak eta ausardia, ironia eta kritika soziala uztartzen dituen musika egiten dutenak. Bestalde, Alexis Evans frantziarrak bere soul klasikoaren, funkaren eta bluesaren arteko nahasketa dantzagarria eskainiko du, energia garaikidez betea.

Euskal ordezkapena La Secta garage punk eta rock&roll talde bilbotar beteranoaren eskutik etorriko da eta haien azken lana Buscando la luz aurkeztuko dute. Halaber, Pelo Perro Kanpezuko tokiko taldeaz gozatzeko aukera ere egongo da, apaingarririk gabeko rock proposamen gordinarekin aurkeztuko direnak.

Edizio berri honekin, Araba ARF Tour ekitaldiak lurraldearekiko konpromisoa indartzen jarraitzen du, Azkena Rock Festival jaialdiaren sugarra bizirik mantentzen duen topagune bat sortuz, publiko guztientzat eskuragarri dagoen inguru hurbil batean.

Antolakuntzak eskerrak eman nahi dizkie Arabako Foru Aldundiko Kultura Sailari eta Santikurutze Kanpezuko Udalari, musika jardunaldi hau aurrera eramateko erakutsitako inplikazioagatik eta babesagatik. Programazioak Azkena Rock Festival jaialdiaren 24. edizioaren atariko gisa balioko du, ekainaren 18, 19 eta 20an ospatuko dena, eta rock&rollaren sugarra Arabako lurralde osora zabaltzen lagunduko du.

Azkena Podcasta bueltan da bigarren emanaldi berritu eta irekiago batekin eta ahots berriekin, jaialdiaren unibertsoa Mendizabalatik haratago zabaltzen jarraitzeko asmoarekin. Beren mikrofonoetatik edizio honetan parte hartuko duten artista nazionalak eta nazioartekoak igaroko dira, musikaren industriaren nondik norakoak hobeto ulertzeko giltzarriak diren artistekin batera. Gainera, formatu berriak Pop y Muerte lotsagabe eta argigarriaren sekzio bat izango du, Kiko Amat eta Benja Villegasen underground erudizioarekin. 

2024an ekimenak izan zuen harrera onaren ondoren, Azkena Rock Festival jaialdiak bere podcasta berreskuratzen du, festibalaren unibertsoa zabaltzeko eta rock n rolla solasalditik ere ospatzen jarraitzeko modu gisa. 24 urteko historiarekin, jaialdiak une, izen eta esperientzia ugari biltzen ditu, azkenatar komunitatearekin kontatzeko eta partekatzeko espazio propioa merezi dutenak. Atal bakoitza bideoan zein audioan gozatu ahal izango da azkenarockfestival.com webgunean, eta Spotify, Podimo eta YouTube plataformetan. 

Podcasta Clara Lobok gidatuko du berriro, musika kazetaria, jaialdiaren ildo artistikoa ondo ezagutzen duena eta azken urteetan kontzertuen ekoizpenari lotua. Gonbidatuekin izango dituen solasaldietan, aurreikusi daitezkeen galderak alde batera utziko dituzte, tabernako barrako elkarrizketa batera edo lagunen arteko bilera batera gehiago hurbiltzeko, errepideko gertaeretarako, beste talde

batzuekin partekatutako istorioetarako eta bidetik erreskatatutako perla bat baino gehiagorako tartearekin. 

Gainera, atal berri honek Pop y Muerte saila izango du, Kiko Amat idazlea eta Benja Villegas musikaria buru dituen podcast independente txalotua, bere underground erudizioa, umore lotsagabea eta rock n rollaren historia, kondaira urbano eta datu bizarroen artxiboa hedatuko dituena. Publiko azkenarrak merezi duen edukia. 

ARFren podcastaren emanaldi berria Gasteizko Jimmy Jazz areto ospetsuan grabatutako atalarekin hasten da, Evaristo Páramos lehen gonbidatuaren eskutik. Euskal punkaren erreferentea berriro agertuko da, denboraldi luze batez elkarrizketarik egin gabe egon ondoren eta jaialdira joan aurretik. Bertan, bere ibilbide osoa errepasatuko du Gira sobre sí mismo tourraren barruan. Gainera, Pop y Muerte saila ere izango du atal honek, Estatuko punkaren hastapenetan oinarritua, Subterranean Kids, Kangrena, RIP, Cicatriz edo Eskorbuto taldeen abenturak eta zoritxarrak errepasatuz. Lehenengo atala eskuragarri dago, bai bideoan bai audioan, azkenarockfestival.com wegunean eta Spotify, Podimo, Ivoox eta YouTube plataformetan. 

Bigarren atala maiatzaren 21ean argitaratuko da eta Jaime Barbosa Alcalá Norteko bateria-jotzailea izango du protagonista, talde madrildarraren orainaz eta etorkizunaz hausnartuko duena. Atalak Tommy Alexanderrekin, bere talde gogokoenetakoa den eta uda honetan jaialdian kartela beraiekin partekatuko duten Hällas taldeko frontmanarekin izandako elkarrizketa ere jasoko du. Pop y Muerte sekzioak, berriz, hainbat jatorri, hamarkada eta aberastasuneko disko kontzeptualak errepasatuko ditu. Pyramidetik Iron Maidenera, The Jam edo Alice Cooperren lanetatik pasatuz eta Hüsker Düren Zen Arcade eta Green Dayren American Idiot rock operaren arteko paralelismoan geldituz. 

Hurrengo asteetan Azkena unibertsoari lotutako atal, gonbidatu eta eduki berriak azalduko dira. Elkarrizketa gehiago, errepideko istorio gehiago eta rock n roll gehiago motorrak berotzeko Mendizabalara itzuli aurretik.

Azkena Rock Festival jaialdia ekainaren 18an, 19an eta 20an izango da Mendizabalan (Gasteiz), eta aurtengo 24. edizioan parte hartuko duten azken artisten izenak iragarri dituzte gaur, baita egunez egun kartela nola banatuko den ere.

Artisten zerrenda ixteko, Carpenter Brut frantziar musikariaren synthwave eta metal industrialaren nahasketa ezagutzeko aukera izango dugu, Leather Temple bere azken disko estreinatu berriaren aurkezpenarekin. Gainera, Mendizabalara etorriko dira Robert Finley Louisianako bluesman beteranoa, Dan Auerbach-en besoetakoa, Black Keys taldearen Europako biran telonero-lanetan hasi aurretik geurean geldialdia egingo duena, eta Black Maracas taldea, Estatuko garage-rock psikodeliko elektrizatzaileenaren ordezkari. Izen horiekin, osatuta dago Azkena Rock Festival jaialdiaren 24. edizioan zuzenean arituko diren 50 bat artisten zerrenda, Alice Cooper, Social Distortion eta The Hives izanik buru, eta rock musikaren adar guztietako ordezkariak bilduko dira, izen ezagunak eta proposamen berriak uztartuta.

Azkena Rock Festival beti dago gori, kaleko tenperatua baxua gorabehera, eta ezin zuen urtea amaitu bere kartelari azken gasolina-bidoi bat gehitu gabe. Jaialdia 2026ko ekainaren 18, 19 eta 20an izango da, Mendizabalan (Gasteiz), eta, gaur, beste baieztapen-txanda bat batu dio rockaren hamaika aldaerak maite dituztenek galdu ezingo duten 24. edizioari.

The Hives jaialdira itzuliko da 2010ean eginiko bisitaren ostean, hasieratik amaierara adrenalinaz eta energiaz gainezka egingo duela bermatzen duen show batekin. Maisuak dira kaos zaratatsu eta kontrolatua sortzeko orduan, haien lider Howlin’ Pelle Almqvist-i esker. Haien zuzenekoak beti dira jario eszeniko gainezkatuaren sinonimo, eta Mendizabalan berriz ere erakutsiko dute publikoarekin konektatzeko duten gaitasun paregabea, punk jarreraren, melodia erakargarrien eta estetika milimetratu bezain basati baten bitartez.

Jaialdiaren estiloa benetan moldakorra dela argi geratuko den edizio berri honetan, AEBko 90eko hamarkadako eta 2000ko lehen hamarkadako rock alternatiboaren ordezkaritza paregabea izango dugu Counting Crows taldearen eskutik eta Adam Duritzen ahots nahastezinari eta Mr. Jones edo Accidentally in Love klasiko atenporalei esker. Bestalde, Alcalá Nortek taulen gainean erakutsiko digu zergatik izan den azken aldian gehien hazi den Estatuko taldea, eta hasieratik amaierara koruak egiteko paregabea den setlist bat eskainiko dute. Ez dira faltako La Vida Cañón edo Calle Elfo bezalako hitak, eta kultu-banda bihurtu den Superchunk album berri batekin iritsiko da Gasteizera, inoiz baino hobeto koipeztatuta bateria berriari esker, eta beti bezala DIY espirituaren eta indie rock benetakoenaren estandarte direla erakustera. 

Jatorri britainiarreko blues rock zintzoa Mendizabalan izango da The Temperance Movement taldearen eskutik; Hällas suediarrek nota progresiboa, 70eko psikodelia eta heavy klasikoa ekarriko dituzte, kondairaz eta fantasiaz betetako “adventure rock”rekin; eta, zuzenean Texasetik, Vandoliersek bere “cow rock”a hedatuko du, punk urgentziaren eta country bihotzaren benetako nahasketa batekin. Holandatik, DeWolffek gaztetasuna eta birtuosismoa barra-barra erakutsiko dute soularen eta psikodeliaren ukituak dituen hegoaldeko blues-rock eletrifikatuaren nahasketa eztandagarri batekin, eta izenen txanda berri hau ixteko, Lepora etxean arituko da, azken urteotako euskal rockaren apustu pertsonal eta sendoenetako bat dela aldarrikatzeko.

Izen horiek guztiak aurretik jakinarazitako hogeita hamarretik gora izenei batzen zaizkie, eta Alice Cooper eta Social Distortion zerrendaburu dituztela, Gasteiz rockaren hiriburu bihurtuko dute ekainean. Kartelak honako hauekin jarraitzen du: Imelda May eta Darrel Highman % 100 RnR show batekin, Jason Isbell & the 400 Unit, Old Crow Medicine Show, Sleaford Mods, SUGAR, The Adicts, Evaristo, Circle Jerks, Corrosion of Conformity, Therapy?, The Damn Truth, The Del Fuegos, Discharge, Split Dogs, Starbenders, Tropical Fuck Storm, Voivod, Rodeo eta Nhil, eta oraindik artistak geratzen dira baieztatzeko. Gainera, Trashville karparen programazio osoa ere argitaratu da, eta tartean dira The Dwarves, Bridge City Sinners, Cuir eta Henge, jaialdiko alderdi erraietakoenaren ordezkari gisa.

Bonu orokorrak salgai daude https://azkenarockfestival.com/eu/ webgunean, eta sustapeneko prezioa izango dute otsailaren 3ko astearteko 10:00ak arte. Gaztea Bonua (24 urtetik beherakoentzat) eta Kuadrila Bonua (bost abonuko sorta lagun taldeentzat, seigarrena doan) eskuragarri daude oraindik ere. Aurreko edizioetan bezala, sarrera doakoa izango da 14 urtetik beherakoentzat. 

Azkena Rock Festival jaialdiaren antolakuntzak eskerrak eman nahi dizkie bereziki Gasteizko Udalari, Arabako Foru Aldundiari, La Salve-ri, Kutxabanki eta Petronorri, ekitaldi hau posible egiten dutelako.

Aurten indartu egingo dituzte jaialdira iristeko eta handik irteteko autobusen maiztasuna eta kopurua. Antolatutako bidaiek inguruko udalerriak bilduko dituzte: Altsasu, Arrasate, Barakaldo, Bilbo, Burgos, Donostia, Errenteria, Getxo, Irún, Iruña, Miranda de Ebro, Portugalete eta Zarautz.

Azkena Rock Festival rock&rollaren tenplua bada, Trashville eztanda egitear dagoen bere makina-gela da. Etengabe kaos izugarri batean murgilduta dagoen karpa bat, non distortsioak agintzen duen, logikak porrot egiten duen eta kaosaren hegodun izakiek kontrola hartzen duten. Hemen, beleek ez dute karrankarik egiten; garrasi egiten dute overdrivea topera jarrita. Zuzenean anplirantz hegan egiten dute, lumak elektrizitateagatik tente eta mokoa riff bat bezain zorrotz. Trashville ez da eszenatoki bat. Mutazio bat da. Habitat basati bat, zeinetan akorde bakoitzak berunak harrotu eta Gasteiz osoan burrunba egingo duen zirkuitu labur bat sor baitezake.

Trashvillen ez dago atsedenik. Gauero karpa sutan jartzen da riff ezinezkoekin, kontrabaxu espidikoekin eta bizi zein teatralak diren zuzenekoekin. Hemen gitarrak astintzen dira, baina baita soinua egiteko gai den edozein tramankulu ere, eta garrantzitsuena ez da birtuosismoa, entrega baizik. Helburua: pultsuak bizkortzea eta gorputzak rock&rollaren espasmo elektrikoaz kutsatzea. Hona ez da ikustera etortzen, geure burua erabat entregatzera baizik. Trashvillen gertatzen dena, Trashvillen geratzen da. Edo ez.

2026 honetan, jaialdiak azpimundura zuzenean daraman bere atea irekiko du berriz ere: legez kanpoko klub bat, garage zikinena, surf frenetikoena, psychobilly koipetsuena eta punk lotsagabeena destilatzen duten paretekin, izaki guztiak lurrak beren oinen azpian dar-dar egingo balu bezala dantzan jartzeko programazio bat osatzeko.

Zitalak berez, The Dwarves probokazioaren eta ustelkeriaren sinonimo dira, haragi egindako trasha. 1983tik Blag Dahliaren gidaritzapean, Mendizabalara atsedenik gabeko punk pildoren metraileta ekarriko dute haur guztiei erakusteko nola gurtu Satan, eta bertaratuei kontzertutik onik aterako diren inolako bermerik eman gabe. The Bridge City Sinners taldeak blue glass eta folk gotikoa barreiatuko ditu Libby Lux frontwomanaren asmo txarrarekin primeran uztartzen den soinu mix batean, eta kaputxadunek ere beren habitat naturala aurkituko dute Trashvillen. Hala erakutsiko dute Cuir neoi arrosazko synthpunk zurrunbiloak, zeina zuzenean iritsiko baita Lyonetik sintetizadore ilunen, sadomasoaren eta Oi! futuristaren arteko mugak aztertzeko. Hengek rave-espirituaz eta psikodeliaz kutsatuko gaitu bere kideen bidez: kraut eta rock progresiboa maite duten estralurtarrak. Galiziako sakonetik, Captain Trasho enigmatikoak orkestra-gizonaren rola hartuko du eta benetakotasuna izerdituko du bere garage-punk neurrigabearen eta bat guztien kontra jarreraren bitartez. Misteriotsua izango da, halaber, Twin Ghostsen agerpena, bi mamuren eta medium baten baterako proiektua, zeinak haien show erritualarekin bat egiten utziko baitigu bere punk instrumental ilunaren bidez ikusezinarekin konektatzeko.

Karparen barrualdeak beste garai batzuetara bidaiatzeko aukera emango digu: Cavegirl + The Neandergals ingelesek historiaurreko garaiak ekarriko dizkigute gogora beren garage-punkarekin, bezatu ezinezko energiarekin eta benetako trogloditei dagokien riot jarrerarekin, eta etorkizuna ere presente egongo da Les Robots hirukotearen eskutik. Benetako automata gisa jantzita, taldeak bere unibertso mekaniko eta espaziala zabalduko du taula gainean, vintage surf instrumentalari keinuak eginda.

Azkena Rock Festivalek ez du zerikusirik etiketekin, ez mugekin, eta, horregatik, Tokioko eszenarik undergroundenetan murgildu ondoren, 50eko hamarkadako urrezko rockaren eta 70eko garage punckaren gordintasunaren ordezkaritza bat izango du Stompin’ Riffraffs taldearen eskuktik, zeinek energia-eztanda kontrolgabe bat utziko baitute Mendizabalan, apaingarririk gabeko show izerditsu bati esker. Danimarkatik, The Concrete Boysek rock mutantearen dosi on bat agintzen du, Powersolo-ko kideekin eta doinu itsaskorren funka eta punka batzen dituen proposamen berezi batekin. Restless Ramones alemaniarren seta bizia izango da, eta norbaitek B serieko film baten eszenatokira eraman izan bagintu bezalakoa. Nortasuna gainezka duten lau pertsonaia hauek (garagardoa darion) larrua utziko dute taula gainean beren maskarak, animal printa eta asmo zalantzagarriak lagun. Beste film batetik zuzenean etorriko dira ( nahiz eta oraingoan beldurrezko film bat izan) Bloodsucking zombies from outer space austriarrak, bibrazio ikaragarrienak ereiteko prest, Misfits estilorik garbienean antzeztutako horrorbilly eta psychobilly nahasketarekin. Eta, lotsagabekeriaz ari garela, Angel y Cristok erakutsiko digute azal lodi askoa dutela Parchis-en eta Sonic Youth-en arteko ezinezko bidegurutze izugarri horrekin. Radioactivasek azala utziko dute Terrassan eginiko beren punk kontestatario eta festazalearekin, eta Capitán Entresijos feat. Garganta Profundak osaturiko bikoteak performance hipnotiko bezain lotsagabe eta trasha ziurtatuko digu.

Trashvillekin batera, Azkena Rock Festivalek lehen mailako baieztapenez betetako kartel bat du dagoeneko bere 24. ediziorako; haren buruan dira Alice Cooper eta Social Distortion, zenekin Gasteiz rockaren hiriburu bihurtuko baita datorren ekainean. Hogei bat artista inguruk osatzen dute bere proposamen heterogeneoaren lehen aurrerapena, soinu distortsionatuenen ordezkaritza oso anitz batekin, eta hura osatzeko: Imelda May eta Darrel Highman, % 100 RnR izango den show batekin, Jason Isbell & the 400 Unit, Old Crow Medicine Show, Sleaford Mods, SUGAR, The Adicts, Evaristo, Circle Jerks, Corrosion of Conformity, Therapy?, The Damn Truth, The Del Fuegos, Discharge, Split Dogs, Starbenders, Tropical Fuck Storm, Voivod, Rodeo y Nhil… eta oraindik artistak geratzen dira baieztatzeko.

Jaialdiaren kartel orokorraren diseinuaz The Zuzenders gasteiztarrak arduratu dira, eta beraiek daude, halaber, Trashvilleren proposamen artistikoaren atzean, eta haien egitekoa, hain zuzen, bertako hormek bele zuhurrenak ere harrapatzeko gai diren deskarga elektriko sutsuak askatzeko gai direla islatzea izan da.

Abonu orokorrak salgai daude azkenarockfestival.com/eu/ webgunean, eta hasierako prezioari eutsiko diote datorren abenduaren 11ra arte, 10:00ak bitartean. Era berean, eskuragarri jarraitzen duten Gaztea Bonuak (24 urtetik beherakoentzat) eta Kuadrilla Bonuak (ekitaldiari leial zaizkion lagun taldeentzat – bost bonu erostean seigarrena doan). Aurreko edizioetan bezala, sarrera doakoa izango da 14 urtetik beherakoentzat. 

Jaialdiak indartu egingo du aurten bertara iristeko eta handik irteteko autobusen maiztasuna eta kopurua. Hala, bidaia antolatuak eskainiko ditu inguruko hirietatik: Altsasu, Arrasate, Bilbo, Donostia, Iruña eta Zarautz.