50.000 lagun baino gehiago hurbildu dira musikaz gozatzera ostegunetik larunbatera bitarte

.

2025ean itzuliko da berriro jaialdia, ekainaren 19an, 20an eta 21ean, Mendizabalara

Azkena Rock Festival rock & roll jaialdi nagusiak agur esan dio gaur 22. edizio gogoangarriari, 50.000 lagun baino gehiago bildu ostean.  Agertoki gainean, artista hauek aritu dira hiru egunez: Queens Of The Stone Age, Band Of Horses, Sheryl Crow, Jane’s Addiction, L7, Mavis Staples, Warren Haynes Band, Tarque & La Asociación del Riff, Redd Kross, Arde Bogotá, Ty Segall, PiL.T, The Real McKenzies eta Lendakaris Muertos; aurten ere, rockaren tenplu bihurtu da Mendizabala.

GAURKO EGUNA 10 UNE GOGOANGARRITAN 

Sheryl Crow (Irudia: Óscar L. Tejeda)

1. Sheryl Crow

Jendea irrikaz zegoen Sheryl Crow, musika iparramerikarraren ikonoa, ikusteko; besteak beste, Jason Isbell, Loretta Lynn, Johnny Cash, Stevie Nicks edo Willie Nelson handiekin egin ditu kolaborazioak, eta bi hamarkada baino gehiago igaro dira Estatura azkenekoz etorri zenetik. Gurean izan dugu gaur, eta ez digu huts egin.

Band of Horses (Óscar L.Tejeda)

2. Band of Horses

Europan aurten egingo zuten kontzertu bakarra izanik, ezinbestekoa zen Band of Horses ikustea. Ben Bridwell-ek ametsetako mundu batean murgildu ditu ikus-entzuleak, nostalgia eta itxaropena kateatuta nota bakoitzean.

Mavis Staples (Irudia: Jordi Vidal)

3. Mavis Staples

Mavis Staples soul legendak erraz ahaztuko ez dugun kontzertua eskaini du, jaialdiaren historian gogoratzeko modukoa, interprete bikain honek transmititzen duen emozioagatik eta bere maisutasunagatik.

Trashville (Irudia: Paco Poyato)

4. Trashville

Nortasun propioa hartuta, Trashville ezinbesteko gune bihurtu da, Azkena esperientziaren osagarri. Jaialdiaren barruko kontzertu-areto honetan aritu dira gaur The Mummies bikainak.

Irudia: Paco Poyato

5. Adin guztietako publikoa

Azkena handi egiten duena publikoa da, ikus-entzuleak, eta mila aldiz eskerrak emanda ere, ez litzateke nahikoa izango. Aurten ere, jendearen arteko topaketak izan dira protagonista, bizitako emozioak, musikaz komunitatean gozatzea, gorabeherarik gabe eta giro onean beti. Gainera, aurten lehenengo aldiz, familiei zuzendutako programazio berezia izan dugu Txiki ARFn.

Ben Bridwell (Band of Horses) y Clara Lobo en el Podcast del Azkena.

6. Azkenako Podcasta

Jaialdiko hiru egunetan, Azkenako Podcastak lanean jarraitu du, eta elkarrizketa mordoa grabatu ditugu artistekin, ikusleekin eta edizio honetan Mendizabalara hurbildu diren hainbat figurarekin; laster izango duzue lan horren guztiaren berri.

Irudia: Paco Poyato

7. Balore

Azkena Rock Festival jaialdian gune berezi bat izan dugu aurten, eta ekitaldiak zeuden bitartean martxan egongo da, jaialdiak ingurumenaren eta gizartearen arloetako kausekin duen konpromiso irmoari balioa emateko eta horri buruzko informazioa emateko. BALORE espazioan hainbat informazio-puntu bilduko dira: Puntu MOREA, jazarpen-egoerak eta indarkeria sexista salatzeko eta prebenitzeko; ORTZADAR puntua, Azkena Rock Festival jaialdiak LGTBIQ+ mugimenduarekin duen konpromisoari buruz; Puntu BERDEA, jaialdiak hartzen dituen ingurumen-neurriei buruz; eta Puntu SOZIALA, Last Tour enpresaren BCorp ziurtapenari buruz, eta jaialdiak Ihobe-Eusko Jaurlaritzaren Erronka ziurtapena lortzeko egiten duen lanari buruz. Aurten ere, ez dugu gorabeherarik izan jaialdian.

The Pickin’ Boppers (Irudia: Paco Poyato)

8. Andre Maria Zuria

Eguna Andre Maria Zuriaren plazako doako kontzertuekin hastea Azkenako liturgia bat da, eta gaurkoan The Pickin`Boppers taldearen txanda izan da. 40ko eta 50eko hamarkadetako bandak izanik inspirazio-iturri, taldearen estiloa hain da jator eta kementsu, ezen gaur egungo musika-eszenan nabarmentzea lortu baitu.

Irudia: Paco Poyato

9. ARF 2025

Azkena Rock Festival jaialdiak agur esan digu aurten, baina 2025ean itzuliko da, ekainaren 19an, 20an eta 21ean. Mendizabalan, Gasteizen, noski.

Irudia: Paco Poyato

10. Eskerrik asko!

Aurten ere, babesle guztiei eskerrak eman nahi dizkie jaialdiak, emandako laguntzarengatik, eta bereziki, Gasteizko Udalari eta Arabako Foru Aldundiari; baita Petronor eta La Salve etxeei ere, energia anitzeko partnera eta gargardo partnerizateagatik, hurrenez hurren. Haien parte-hartzerik gabe, Azkena Rock Festival jaialdiaren edizio honetan ezin izango genituzkeen helburuak bete, garapenari eta hazkundeari dagokienez.

La entrada Amaitu da Azkena Rock Festival jaialdiaren 22. edizio arrakastatsua se publicó primero en ARF.

Lehen eguna energiaz beterik hasi genuen atzo Jane’s Addiction taldearekin; gaur ere edonor pozteko moduko egitaraua izan dugu Azkena Rock Festival jaialdian, Queens Of The Stone Age taldearen kontzertu historikoarekin eta rockaren estilo guztietako artistekin. Jende ugari hurbildu da gaur Mendizabalara. Badira, oraindik, sarrerak salgai biharko, larunbaterako.

GAURKO EKITALDIETAKO 10 UNE GOGOANGARRI

Queens Of The Stone Age (Irudia: Óscar L. Tejeda)

1. Queens Of The Stone Age

Jende gehienak irrikaz espero zuen unea iritsi da azkenean. ARFren 2005eko eta 2011ko edizioetan kontzertu gogoangarriak eskaini ostean, Josh Homme-ren taldeak erabat limurtu ditu azkenazaleak; argi utzi digute zergatik den une honetako talde handienetako bat.

Arde Bogotá (Irudia: Jordi Vidal)

2. Arde Bogotá

Taldekideek aitortu zutenez, Azkenako kontzertuak errespetu handia eragiten zien; erantzuna, ordea, ezin hobea izan da: sekulako kontzertua eskaini dute, ez dezagun ahantz gaur egun Estatuko rock talde goraipatuenetako bat direla.

Lisa & The Lips (Irudia: Paco Poyato)

3. Lisa & The Lips

Ez zegoen eguna hasteko modu hoberik: The Bellrays taldeko abeslari izandako Lisa Kekaularen ahots zoragarriarekin eta bere Lisa & The Lips soul taldearekin; Andre Maria Zuriaren plazan piztu dute rockaren sugarra gaur goizean, jaialdiak hiriarekin bat egiten duen lekuan.

L7 (Irudia: Óscar L. Tejeda)

4. L7

Kaliforniatik Mendizabala itzuli dira L7 taldeko kideak, itxaronaldi luze baten ondoren; oraingoan, diskorik ezagunena jo dute zuzenean: Bricks Are Heavy ezinbesteko lana.

Barry Adamson (Irudia: ÓScar L. Tejeda)

5. Barry Adamson

Magazine postpunk taldeko kide eta Nick Cave & The Bad Seeds talde mitikoko baxu-jotzaile original izanik, Barry Adamson handiak bere zuzeneko onena ekartzeaz gain, memoria-liburu bat ere ekarri du Mendizabalara: “Por encima de la ciudad, por debajo de las estrellas”, berezkoa duen estilo zinematografikoan idatzitakoa; eta liburuaren aleak sinatzen ere aritu da.

La Perra BLanco (Irudia: Jordi Vidal)

6. La Perra Blanco

2022. urtean Trashville gunean sekulako arrakasta lortu ondoren, Alba Blancok eta bere La Perra Blanco taldeak 50eko hamarkadan inspiratutako rock-festa basatia eskainiko digute.

Redd Kross (Irudia: Jordi Vidal)

7. Redd Kross

Kultuzko taldea, publiko leialena hor aritu da lelo itsaskorrak abesten, riff sendoen artean.

Les Greene (Irudia: Paco Poyato)

8. Les Greene

Elvis (2022) filmean Little Richard handiari ahotsa jartzeagatik Grammy sarietarako hautagai izan den artistarekin gozatu ederra hartu du Trashville guneko publikoak, 60ko hamarkadako soul, funk eta R&B doinuekin eta bere ahots liluragarriarekin.

Txiki ARF (Irudia: Paco Poyato)

9. Txiki ARF

Azkenako familiak gustura aritu dira topagune berri honetan, txapa eta plektro (pua) tailerretan, aurpegi-margoketa rockeroak egiten eta kontzertuetan talde garrantzitsuenen abestiak entzuten.

Irudia: Paco Poyato

10. Foro Azkena Rock

Azkenako Foroak 20 urte bete ditu, eta urte horietan guztietan jaialdia intentsitate handiz bizitzeko aukera izan dugu, kartelei buruzko iruzkinak egiten, lagun berriak ezagutzen eta milioika post idazten. Forozale ugari bildu dira gaur Trashvillen elkar ezagutzeko edo aspaldiko lagunekin elkartzeko, eta haietakoren batek kontzertua eskaintzeaz gain, Foroari buruzko liburuaren bertsio digitala aurkeztu ere egin du.

Bihar, atsedenik gabe jarraituko du jaialdiak Andre Maria Zuriaren plazan The Pickin’ Boppers taldearekin. Gero, Mendizabalan, Band Of Horses taldeak aurten Europan egingo duen kontzertu bakarra eskainiko digu, eta Sheryl Crow, Mavis Staples, Warren Haynes Band, Lendakaris Muertos, The Pleasure Fuckers edo Pi L.T. ikusteko eta entzuteko aukera izango dugu, goi-mailako artistez betetako edizioari amaiera emateko. Txiki ARF guneko programazioak ere jarraituko du, eta 2025erako bonuak prezio berezian erosteko azken eguna ere izango da, eremuaren barruko info pointean; ez daude beste inon salgai.    

La entrada Queens Of The Stone Age taldearen arrakasta itzela Azkena Rock Festival jaialdiaren bigarren egun historikoan se publicó primero en ARF.

ARF jaialdiaren hurrengo urteko edizioaren egunak finkatuta daude: 2025eko ekainak 19, 20 eta 21

Azkena Rock Festival jaialdiko ateak gaur zabaldu dira, hogeita bigarren edizioaren lehenari hasiera emateko. Musikazaletasunak bultzatuta, urtez urte Mendizabalara etorri den publiko leialenarekin berriro elkartzeko eguna, une honetan dagoen rock & roll jaialdi esanguratsueneko agertokietan musika onenaz gozatzeko asmoz.

GAURKO EKITALDIETAKO 10 UNE GOGOANGARRI

Txopet (Irudia: Jordi Vidal)

1. Ateak irekitzea

Azkena Rock Festival jaialdiaren ateak zabaltzen diren unea zirraragarri eta hunkigarrienetako bat izaten da urtero, bai publikoarentzat, bai antolatzaileentzat. Txopet bilbotarrek eman diote hasiera musika-jardunari.

Irudia: Paco Poyato

2. Ezkontzak

Azkenak batzen duena, ez dezala inork banandu. Berriro ere, jendea ezkondu egin da Mendizabalan rockaren errituari jarraikiz, Iñigo Salinero komikoak Las Vegas estilo peto-petoan egindako zeremonian.

Jane’s Addiction (Irudia: Óscar L. Tejeda)

3. Jane’s Addiction

Perry Farrell, Dave Navarro, Eric Avery eta Stephen Perkins berriz elkartu dira, azkenean, kultuzko banda honek merezi duen moduko emanaldia eskaintzeko.

Ty Segall (Irudia: Óscar L. Tejeda)

4. Ty Segall

Bere espeziean parerik ez duen alea izaki, Ty Segallen talentu sinesgaitzak hipnotizatuta izan ditu ikus-entzuleak.

Los Sírex (Irudia: Paco Poyato)

5. Los Sírex

Trashville gunean, Estatuko rock panoramako banda beteranoenetako batek eskaini du zuzeneko kontzertua, Los Sírex taldeak, hain zuzen, eta ikus-entzuleek dena eman dute, batik bat, “Si yo tuviera una escoba” ereserkia jo dutenean.

Carlos Tarque (Irudia: Jordi Vidal)

6. Tarque & La Asociación del Riff

Carlos Tarqueren ahots paregabea eta karisma, Carlos Rayak gitarrarekin duen abilezia eta Tarque & La Asociación del Riff taldeko gainerako kideak izan dira zuzenko bikainaren osagai Mendizabalan.

Irudia: Paco Poyato

7. Autotxokeak

Kontzertu eta kontzertu artean, jaialdian jada tradizio bilakatu diren autotxokeetara joateko tartetxo bat ere izaten da.

Irudia: Paco Poyato

8. Greetings from Azkena

Arabako Diseinatzaileen Elkarteak 10 postal sortu ditu, eta Mendizabalan eta Andre Maria Zuriaren plazan jarriko dituzten postontzietatik bidali ahal izango dira kontzertuek dirauten bitartean.

Irudia: Paco Poyato

9. Agertokiak

Aurkitu foroan idatzi zenuen esaldi hura, identifikatu zure talde gogokoenen logoak.

Irudia: Paco Poyato

10. Mendizabalan izango da ARFren 2025eko edizioa ekainaren 19an, 20an eta 21ean

Gaur, ARF jaialdia hurrengo urtean noiz izango den esateko moduan gaude; izan ere, ekaineko hirugarren asteburuan izango da, betiko lez: 2025eko ekainak 19, 20 eta 21, Gasteizko Mendizabalan. Lehenengo bonuak salgai daude, eta jaialdiaren esparruan dagoen info pointean soilik eros daitezke, prezio berezian.

Bihar jarraituko du jaialdiak eta, hasteko, The Bellrays taldeko abeslari potentea buru duen Lisa & The Lips taldeak 13:30ean eskainiko du kontzertua, Andre Maria Zuriaren plazan, doan. Mendizabalara itzulita, 17:30ean, Bala galiziarren grunge eta stoner doinu zorrotzek abiaraziko dute bigarren eguna; haien atzetik, L7 basatien soinu gordinaren txanda izango da, Bricks Are Heavy diskorik arrakastatsuena interpretatzen; era berean, Arde Bogotá fenomeno murtziarra, Barry Adamson baxu-jotzaile trebea, Demolition 23. punk perla edo Queens of The Stone Age handiak ere izango ditugu ikusgai bihar.

La entrada Azkena Rock Festival jaialdiak gogotsu ekin dio lehen egunari se publicó primero en ARF.

Queens Of The Stone Age, Band Of Horses, Sheryl Crow, Jane’s Addiction, L7, Mavis Staples… zuzenean arituko dira Mendizabalan ekainaren 20an, 21ean eta 22an

Dena prest Azkena Rock Festival jaialdiko ateak bihar irekitzeko. Azkena Rock Festival jaialdia, rock & roll jaialdi nagusia, ekainaren 20an, 21ean eta 22an izango da Gasteizko Mendizabalan. 22. edizio honetan, goi-mailako artista ugari arituko dira zuzenean, hala nola Queens Of The Stone Age, Band Of Horses, Sheryl Crow, Jane’s Addiction, L7, Mavis Staples, Warren Haynes Band, Tarque & La Asociación del Riff, Redd Kross, Arde Bogotá, Ty Segall, PiL.T, The Real McKenzies, Lendakaris Muertos eta beste hainbat.

Andre Maria Zuria

Aurten ere, Andre Maria Zuriaren plaza enblematikoa izango da jaialdiaren eta hiriaren topagune, bermutaren orduan hasita: zuzeneko musika, doan, Green Capitala harro egoteko moduko gastronomiarekin uztartuta. Ostiralean Lisa & The Lips taldearen txanda izango da, eta larunbatean, berriz, The Pickin’ Boppers taldearena.

Programazio artistikoa:

Azkena Rock Festival jaialdiaren aurtengo edizioa bihar hasiko da, kultuko talde garrantzitsuenetako batekin: Jane’s Addiction. Haien atzetik Ty Segall eklektikoa eta Carlos Tarque etorriko dira; azken hori gaztelaniaz kantatzen duen rock-abeslari onenetako bat da, eta bere taldearekin arituko da: Tarque & La Asociación del Riff. Trashvilleri dagokionez, kontzertu-areto bat irudikatzen duen eszenatoki estalian Los Sírex taldearen txanda izango da, ‘Si yo tuviera una escoba’ ereserki ezagunaren egileak.

Queens of The Stone Age izango dira ostiraleko liderrak, gaur egungo rock talde goraipatuenetako bat. Kaliforniako basamortuko riffak feminismoaren eta grungearen ordezkari L7 basatien soinu gordinarekin gurutzatuko dira, Bricks Are Heavy diskorik arrakastatsuenaren interpretazioan. Arde Bogotá, gaztelaniaz abestutako rock alternatiboaren proposamenarekin sekulako arrakasta izaten ari den Murtziako fenomenoa; Michael Monroek eta Hanoi Rocks taldeko beste kide ohi batzuek osatu zuten Demolition 23. punk-harribitxiak kontzertu esklusiboa emango du Azkena Rock Festival jaialdian. Horietaz gain, nabarmentzekoak dira Redd Kross kultuzko ezinbesteko taldea; Ezpalak, euskarazko rock alternatiboaren egungo erreferenteak; eta Les Greene, zalantzarik gabe, egungo soul, funk eta R&B estiloetako ahots zoragarrienetako bat.

ARFko artisten zerrendari atxiki zaizkio Moltisanti eta Azkenako Foroko kideekin osatutako The Freetangas biko gasteiztarra; izan ere, foroak 20. urteurrena du aurten, eta foroaren urtemugari buruzko liburuaren bertsio digitala aurkeztuko da, halaber, jaialdian.

Larunbatean, Band Of Horses taldeak gurean eskainiko du aurten Europan egingo duen kontzertu bakarra, eta kartelburu izango dira Sheryl Crow handiarekin batera: pop arrakastez haratago, sustraiak musika amerikarraren sakon-sakonean barneratzen dituen mitoa. Mavis Staples soul legenda; Gov’t Mule taldeko buru Warren Haynes Warren Haynes Band bakarkako proiektuarekin; The Pleasure Fuckers punk talde historikoa berriro elkartu da Azkena Rock Festival jaialdian kontzertu bat eta bakarra emateko; Lendakaris Muertos, Pi L.T., The Mummies edo Tiburona madrildarrak; horiei guztiei esker, jaialdiaren azken eguna ahaztezina izango da.

Txiki ARF: Azkenako familiak

Gero eta familia gehiago etortzen dira Azkenara, eta haientzat sortu dugu Txiki ARF proposamena: kontzertuak, tailerrak eta haurrentzako jarduerak jaialdiaren eremuan, rockaren inguruan bat egiteko, aisialdirako eta bizikidetzarako gune bat sortuta. Egunean hiru kontzertu izango dira, eta ARFko agertokietatik igaro diren mito handienetakoen abesti ezagunak joko dituzte. Emanaldi batetik besterako tartean, air guitar lehiaketak eta bingo rockeroa antolatuko dira, sari eta guzti. Eta, gainera, txapa eta plektro (pua) pertsonalizatuak egiteko tailerrak eta aurpegi-margoketa rockeroak ere izango dira. Hori guztia, ostiral eta larunbatean, familiei zuzendutako Trashvilleko bigarren karpan, 17:30etik 20:30era. 14 urtetik beherakoek sarrera doan izango dute aurten ere, eta familiak sartzeko sarbide berezia izango dugu.

Aisialdiko programazioa

Ikus-entzuleen gozamenerako, bueltan dira berriro autotxokeak eta Las Vegas estiloko ezkontzak. Gainera, Arabako Diseinatzaileen Elkarteak 10 postal sortu ditu, eta Mendizabalan eta Andre Maria Zuriaren plazan jarriko dituzten postontzietatik bidali ahal izango dira kontzertuek dirauten bitartean.

Hobekuntzak irisgarritasunean

Aurten, Azkenako antolatzaileek hainbat hobekuntza-lan egin dituzte Mendizabalan arkitektura-oztopoak desagerrarazi eta irisgarritasuna hobetzeko eta, bide batez, toki gehiago izateko. Era berean, Respect bigarren agertokiko ikuspena ere hobetu da, 2023an agertoki nagusikoa hobetu zen moduan; horrela, bada, soinuaren eta argien dorrea bitan zatitu da eta, hartara, ez dago ia oztopo bisualik.

Balore

Aurten, Azkena Rock Festival jaialdian leku berezi bat izango dugu: hazi moduko espazio, puntu, gune jasangarri, seguru, sozial eta xedez beteriko bat, ekitaldiak irauten duen bitartean martxan egongo dena, jaialdiak ingurumenarekin eta gizartearekin lotura duten kausekiko hartua duen konpromiso irmoari balioa emateko eta horri buruzko informazioa lortzeko. BALORE espazioan hainbat informazio-puntu bilduko dira: – Puntu MOREA, jazarpen-egoerak eta indarkeria sexista salatzeko eta prebenitzeko. – ORTZADAR puntua, Azkena Rock Festival jaialdiak LGTBIQ+ mugimenduarekin duen konpromisoari buruz. – Puntu BERDEA, jaialdiak hartzen dituen ingurumen-neurriei buruz. – Puntu SOZIALA, Last Tour enpresaren BCorp ziurtapenari buruz, eta jaialdiak Ihobe-Eusko Jaurlaritzaren Erronka ziurtapena lortzeko egiten duen lanari buruz.

Azkena Rock Festival jaialdia rock and rollaren muina da, eta 22 urteko historia da horren adierazgarri. Erreferentziako esparru bat zuzeneko musika bizitzeko, musikaz komunitatean gozatzeko eremu eroso bat, eta, esperientzia biribiltzeko, Gasteiz Green Capital.

Aurten ere, babesle guztiei eskerrak eman nahi dizkie jaialdiak, emandako laguntzarengatik, eta bereziki, Gasteizko Udalari eta Arabako Foru Aldundiari; baita Petronor eta La Salve etxeei ere, energia anitzeko partnera eta gargardo partnera izateagatik, hurrenez hurren. Haien parte-hartzerik gabe, Azkena Rock Festival jaialdiaren edizio honetan ezin izango genituzkeen helburuak bete, garapenari eta hazkundeari dagokienez.

La entrada Dena prest Azkena Rock Festival bihar hasteko se publicó primero en ARF.