Guztira 47.500 pertsona igaro dira Mendizabalatik Azkena Rock Festival 2025 jaialdiaren hiru egunetan, musika bizitzeko modu paregabea berretsiz. Edizio hau topaketa, errituala eta jaunartze ozena izan da, eta bertan kondairak, ahots berriak eta belaunaldien arteko publikoa bat etorri dira sintonia berean.  

Azkena Rock Festival jaialdiaren bigarren eguna belaunaldiarteko ospakizuna izan da, zuzeneko emanaldien indarra, emozio partekatuak eta Gasteizen oraindik ere sendo dirauen soinu-ondarea berretsi dituen eguna. Hiriaren bihotzean eguerditik hasi eta Mendizabalako izarren azpian entzundako azken kanturaino, rockak zeremonia bizia izaten jarraitzen du.

Mendizabalako ateak gaur ireki dira Azkena Rock Festival jaialdiaren jarraitzaile leialei harrera egiteko, hogeita hirugarren edizio honetan rock & roll musikaren bene-benetako esentziaz gozatzeko aukera izanik agertokietan eskaini dituzten askotariko kontzertuekin. Jaialdiaren lehen egun honetan, lagun-kuadrillak berriz elkartu eta besarkadak izan dira nagusi Arabako eguzkipean, eta entzun ditugun soinuek argi utzi digute zergatik den jaialdi hau urteroko erromesaldiaren helmuga hainbeste jenderentzat.

Eta hurrengo hitzorduaren data ere badugu: ARF jaialdia 2026ko ekainaren 18an, 19an eta 20an itzuliko da Gasteiza. Lehen abonuak salgai daude jada eremuko Info Pointean, eta prezio berezian eskura daitezke Mendizabalan, ez beste inon.

Azkena Rock Festival jaialdian dena prest dago 23. ediziorako, Gasteizko Mendizabalan, ekainaren 19an, 20an eta 21ean. Rock & roll musikaren tenpluan lehen mailako artistak bilduko dira: John Fogerty mitikoa, data bakarrean Estatuan eta bere errepertorioko klasiko guztiekin, baita Creedence Clearwater Revival-ekoak ere; Manic Street Preachers, hauek ere kontzertu esklusiboan; The Flaming Lips, Yoshimi Battles the Pink Robots mitikoa interpretatzen; Dinosaur Jr, Without a Sound album ezagunarekin; Lucinda Williams ikoniko eta sakona; The Hellacopters 30. urteurrena ospatzen, eta beste asko; eta ezin ahaztu Andre Maria Zuriaren plazako doako programazioa edo Txiki ARF familientzako gunea.

Azkena Rock Festival jaialdiaren 23. edizioko ordutegiak aurkezteko unea iritsi da, ekainaren 19an, 20an eta 21ean Gasteizko Mendizabalan zer ikusi eta zer entzuteko aukera izango dugun jakitearren. Rock & roll musikaren mekan punta-puntako artistak bilduko dira: John Fogerty mitikoa, bere errepertorioko klasiko guztiekin eta data bakarrean Estatuan; Manic Street Preachers, hauek ere kontzertu esklusiboan; The Flaming Lips, Yoshimi Battles the Pink Robots interpretatzen; Dinosaur Jr, Without a Sound mitikoa interpretatzen; Lucinda Williams ikonikoa; The Hellacopters 30. urteurrena ospatzen, eta beste asko, eta ezin ahaztu Andre Maria Zuriaren plazako doako programazioa edo Txiki ARF familientzako gunea.

Jaialdiaren atariko moduan, hemen da Araba ARF Tour programazio berria. Segidako laugarren urtez, Arabako Foru Aldundiaren eta Amurrioko eta Bastidako udalen eskutik, doako programazioa eskaintzen duen ekimen honen bitartez rock and rollaren espiritua eta Azkena Rock Festival jaialdiaren sugarra Arabako herrietara iritsiko dira. Maiatzaren 17an, larunbata, Oñatiko Letagin eta Gasteizko Nukore taldeen txanda izango da Amurrion; oñatiarrek hard rock eta stoner musika egiten dute, erritmo azkarrak eta energiaz beteriko zuzeneko emanaldiak uztartuta; gasteiztarrek hogei urte baino gehiago daramate musikaren munduan, eta metal alternatiboko talde garrantzitsuenetako bat dela esan dezakegu. Ekainaren 14an, larunbata, Bastidan izango dira kontzertuak; Nightwaves bilbotarrekin amerikar indie ukitua duen rock musikaz gozatzeko aukera izango dugu, baita Amurrioko The Clayton taldekoen rock and rollaz ere.

Antolatzaileek eskerrak eman nahi dizkiote Arabako Foru Aldundiaren Kultura Sailari, haien inplikaziorik gabe ezinezkoa izango litzatekeelako Azkena Rock Festival jaialdiarekin batera antolatutako ekimen hau egitea; eta eskerrik asko, nola ez, Amurrioko eta Bastidako Udalei, ARF jaialdiaren sugarra urtez urte Arabako herrietara daramaten kontzertu hauek euren herrietan egiteko interesa agertu dutelako eta egitasmoa gauzatu dutelako.

Azkena Rock Festival jaialdia da rock & roll jaialdi nagusia, eta ekainaren 19an, 20an eta 21ean izango da Gasteizko Mendizabalan. Jaialdiaren agertokietan artista ezagun ugari bilduko dira, askotariko estilotakoak, hala nola John Fogerty, Manic Street Preachers, Dinosaur Jr., The Flaming Lips, Public Image Limited, The Damned, Melissa Etheridge, Lucinda Williams, Turbonegro, Margo Price, Richard Hawley, The Hellacopters eta abar.

Iberian Festival Awards sarien bederatzigarren edizioa asteburu honetan ospatu zen Pavilhão Multiusosen, apirilaren 25ean, Almancilen. Ekitaldi horretan, epaimahaiak eta publikoaren botoek 2024ko urtarriletik abendura bitartean Iberiar penintsulan ospatutako jaialdien ekarpenak eta lorpenak saritu zituzten. Guztira, hiru izan ziren Last Tourrek eta bere jaialdiek jasotako sariak.

Iberian Festival Awards sarietan Marketin eta Komunikazio Estrategia Onenaren saria jaso izana errekonozimendu handia da Azkena Rock Festivalentzat, urtero rockaren mekara milaka jarraitzaile erakartzeko lanean diharduen talde profesionalaren lana eta ahalegina berresten baitu. Jaialdiak 2024an zehar “El Podcast del Azkena” plazaratu zuen, rock and roll jaialdi nagusiaren 23 urteko historia arakatzeko espazioa, jaialdiaren anekdotak lehen aldiz kontatuta eta gonbidatu bereziekin.

Azkena Rock Festival jaialdiaren hemezortzigarren edizioa 2025eko ekainaren 19, 21 eta 21ean izango da, eta, besteak beste, John Fogerty, Dinosaur Jr, Manic Street Preachers, The Flaming Lips eta Lucinda Williams izango dira bertan. Sarrerak jada salgai daude.

Azkena Rock Festival jaialdiaren behin betiko kartela osatuta dago jada, eta egunez eguneko programazioa aurkeztu dute, honako artista hauek nabarmenduta: John Fogerty mitikoa, bere errepertorioko klasiko guztiekin eta data bakarrean Estatuan; Manic Street Preachers, hauek ere kontzertu esklusiboan; The Flaming Lips, Yoshimi Battles the Pink Robots interpretatzen; Lucinda Williams ikonikoa; The Hellacopters  30. urteurrena ospatzen, eta gaurko berrikuntza: Dinosaur Jr, Without a Sound interpretatzen. Gainera, 2024ko edizioan harrera ona izan zuenez, aurten ere izango da familientzako gunea Azkenan, Txiki ARF, eta Andre Maria Zuriaren plazan arituko diren artisten izenak ezagutarazi dira. Hori guztia zuzen-zuzenean bizi ahal izateko Azkena Rock Festival jaialdiaren 23. edizioan, ekainaren 19an, 20an eta 21ean, Gasteizko Mendizabalan.

Azkena Rock Festival rock & rollaren tenplua bada, Trashville da tenpluko aldarerik ilunena, garito klandestinoa, zulo ilun bat. Ez da beste agertoki bat: amildegi primitibo bat da, rock zikin, basati eta gordinenarekin. Agertokiaren eta publikoaren arteko lerroa ezabatzen den lekua da Trashville, edozer gerta daitekeen tokia. Ez dago araurik, ez mugarik, ez atsedenik. Jaialdiaren barruan beste jaialdi bat da Trashville, erritmo bizi-biziko zulo bat, garage, rockabilly, surf eta psychobilly doinuak punk koipetsuenarekin gurutzatzen diren zulo beltz bat. Karparen taupadek berezko erritmoari jarraitzen diote, kontzertu-areto bateko giroa dantza-saio zoroenekin uztartuta. Hemen riff azeleratuenak dira nagusi, bateria basatiekin eta, motorren antzera, orro egiten duten baxuekin batera. Ez dio axola instrumentua gitarra bat ala txatarra zati bat den, edo troglodita batek edo beste planeta bateko izaki batek jotzen duen, jarrera baita garrantzitsuena. Trashvillen dena da posible.

Estatuko garage talde onenetakoa omen, Wau y los Arrrghs!!! valentziarrak 20. urteurrena ospatzera datoz gurera, zaleen poztasunerako 2023. urtean berriro elkartu ostean; eta urteurren hori ospatzeko kontzertu gutxi batzuk egingo dituzte, oso bereziak, gurea tartean. Kontzertu bakar eta esklusiboan, pantera-larruz jantzita, The Neanderthals taldeko kideek haitzuloetako gizakiak direla aldarrikatzen dute. Baina zalantzarik gabe esan dezakeguna da haien garaje soinua gordina eta primitiboa dela. Zenbait jendek susmoa du abeslaria Los Straijackets taldeko abeslari ere ote den, eta jaialdian susmo hori egiaztatzeko aukera izan dezakegu, baldin eta inor ausartzen bada Nashvilleko talde mitikoko kideei borrokalari mexikarren maskarak kentzen, Trashvilleko agertokira igotzen direnean.

Italiatik, The Devils rock & roll bikotea dator, Trashvillen sor daitekeen erritu mota oro gidatzeko izen ezin egokiagoarekin. Dotore eta bitxi, lurraren sakon-sakonenetik datoz Escape-ism, Ian Svenonius zinemagile eta musikari estatubatuarra izanik frontman eta crooner. Fléau “mertzenario banda” frantsesak kasketa jantzita gudarako prest iritsiko zaizkigu, hardcore dosi zaratatsua eskaintzera. Fitnessa, metala eta pepperoni pizza uztartuta, Gogoponies italiarren kontzertu bakoitza gai baten ingurukoa izan ohi da, izendatzaile komun bat dutela betiere: dibertsioa, mugarik gabe.  Soinu txatarreroa, ninoninoa eta gitarra zitalak dituzte bereizgarri Las Jennys de Arroyoculebro taldeko punk poligoneroaren erreginek. Kanariar Uharteetatik etorritako troglodita zoro bi dira Mambo Rambo, 60ko hamarkadako soinu latinoen omenez.

Txorimaloek ihes egin dute Waltongo (UK) baserrietatik, eta lastozko eskuekin rhythm & blues primitiboa jotzen hasi dira beleak uxatzeko! Thee Scarecrows Aka dira. Izaki bitxiez ari garela, Azkenara datoz berriro The Sex Organs, kanpoko espazioko bi genital eta beren sex & roll zikin eta primitiboa. Eta helburua dantzatzea baldin bada, Trashvilleko programazioak badu fitness saio bat, osagaiak hauek izanik: punk gordina, psychobillya eta ska erritmoak, txandala jantzitako sei belgikarren eskutik: Wallaroos. Ziur karpa osoa dantzan jarriko dutela.

Horiez guztiez gain, beti bezala, gau amaigabeei ginga jartzen diegu Trashvillen, goren mailako DJekin. Alta Tensión DJs, Bilba Grotbill, DJ Bone, Borja Nihil, El Chico, Malandra, Nat Simons Jukebox, Rock Nights eta DJ Strychnine arduratuko dira zeregin horretaz.

Trashvilleko programazioa gehitu diogu gaur ekainaren 19an, 20an eta 21ean Gasteizko Mendizabalan arituko diren artisten zerrendari, besteak beste John Fogerty mitikoa, bere errepertorioko klasiko guztiekin eta data bakarrean Estatuan; Manic Street Preachers, hauek ere kontzertu esklusiboan; The Flaming Lips, Yoshimi Battles the Pink Robots interpretatzen; Lucinda Williams ikonikoa; The Hellacopters 30. urteurrena ospatzen; Richard Hawley, Margo Price  eta beste asko Azkena Rock Festival jaialdiaren 23. edizio honetan.

Bonuak salgai daude jada azkenarockfestival.com webgunean, eta prezio berezian egongo dira martxoaren 7ra arte. Aurten, Gazte Bonuaz gain (100 €+ gastuak, 23 urtetik beherakoentzat), Kuadrilla Bonua atera dugu, jaialdira elkarrekin etortzen diren lagun talde horientzat: 5 bonu erosi, eta 6 eskuratu. Epeka erosteko aukera badago, eta 14 urtetik beherakoek sarrera doan izango dute, aurten ere. Jaialdiak bidaia antolatuak eskainiko ditu autobusez, inguruko hirietatik: Bilbo, Iruñea, Donostia, Zarautz, Arrasate eta Altsasu, urteko jaialdirik gustukoenetako baterako joan-etorriak askoz errazagoak izan daitezen.

John Fogerty amerikar harribitxi peto-petoa da. Creedence Clearwater Revival taldeko buru zelarik, artistak soinu propio eta bereizgarria sortu zuen, blues, country eta rock-and-roll estiloak bere lirika bereziarekin hein berean uztartuta. Rock & Roll Hall of Fame ezaguneko partaideetako bat da Fogerty, eta 100 milioi disko baino gehiago saldu ditu bere ibilbide luzean. Gaur, Azkena Rock Festival jaialdiko publikoarekin zuen zorra kitatuko du, aurten etorriko dela baieztatu baitu; izan ere, 2020an, pandemia zela-eta, bertan behera utzi behar izan genuen emanaldia, eta, egia esan, berriro ikusteko eta entzuteko irrikaz geunden, hiru urte lehenago Creedence taldearen klasikoak interpretatu zizkiguneko oroitzapen atseginaren ondoren. John Fogerty mitikoa gehitu diogu Azkena Rock Festival jaialdiko kartelari, eta kontzertu esklusiboa izango da, gainera, Manic Street Preachers taldeak bezalaxe, Estatuan egingo duten kontzertu bakarra izango baita; Mendizabalan arituko dira, halaber, The Flaming Lips taldea, Yoshimi Battles the Pink Robots disko mitikoa interpretatzen; Lucinda Williams ikonikoa, The Hellacopters taldea, bere 30. urteurrena ospatzen; La estrella azul filmean egindako lanagatik asteburu honetan Aktore errebelazio onenaren Goya saria jaso duen Pepe Llorente lider duen taldea; eta beste talde asko. Gaur, lau izen gehituko dizkiogu zerrendari. Azkena Rock Festival jaialdiaren 23. edizioa Gasteizko Mendizabalan izango da, ekainaren 19an, 20an eta 21ean.

Estatu Batuetako beste musikari handi bat, Margo Price, lehen aldiz izango dugu gure artean, eta kontzertu esklusiboa eskainiko du. Loretta Lynn edo Emmylou Harris handien ondarea ahaztu gabe, Margo Price abeslari eta konpositorea belaunaldi oso baten kultuzko artista eta talentua dela esan dezakegu, abestietan lantzen dituen gaiak askotarikoak izanik, hala nola genero-arrakala soldatetan edo estatubatuar nekazarien egoera latza.

Australiatik dator C.O.F.I.N hard rock eta punk taldea, azkenazaleengan arrastoa utziko duen emanaldi horietako bat eskainiko digutela hitz emanik.  The Lemon Twigs taldearen izen ona ahoz aho zabaltzen ari da, zuzenean ikusi dituenak ezin baitio taldea gomendatzeari utzi. ARF jaialdian galdu ezin duzun bandetako bat. Azkenik, gaur-gaurkoz baieztatutako azken artista Sarria dugu, Espainiako pop rockaren promesa handienetako bat. 20 urte baizik ez zituelarik, malagarra munduan barrena zebilen jada Sevillako “Los Labios” bandarekin batera, arrakastaren gakoetako bat bere trebetasuna izanik.